नेभिगेशन
समाज

महाशिवरात्रि पर्व व्यवस्थापनका लागि गुठी संस्थानद्वारा ४० लाख रुपैयाँ बिनियोजन

काठमाडौँ । गुठी संस्थानले महाशिवरात्रि पर्व व्यवस्थापनका लागि रु ४० लाख बजेट बिनियोजन गरेको जनाएको छ ।

महाशिवरात्रि पर्वको तयारीबारे मंगलबार संस्थानको त्रिपुरेश्वरस्थित प्रधान कार्यालयमा आयोजित पत्रकार सम्मेलनमा संस्थानका प्रवक्ता एवं मुख्य कानून अधिकृत जनक पोखरेलले गुठीको कूल बजेटमध्ये यसबर्षको महाशिवरात्री पर्वमा दाउरा खरिदका लागि रु ८ लाख रुपैया र पर्व सञ्चालनका लागि ३२ लाख रुपैया गरि ४० लाख रुपैया बजेट बिनियोजन गरेको जानकारी दिए ।

Watch On

Facebook Tiktok Youtube Instagram Twitter

संस्थानले यस वर्षको महाशिवरात्रिको सम्पूर्ण तयारी पूरा भएको समेत जनाएको छ । पशुपति क्षेत्र विकास कोषसँगको सहकार्यमा पशुपति क्षेत्रमा रहेका साधुसन्तका लागि दाउरा खरिद, उनीहरुको भोजनको प्रबन्ध तथा धुनीका लागि स्थान व्यवस्थापन लगायतका काम गरिएको प्रवक्ता पोखरेलले बताए ।

Marvel
Extreme Energy

फागुन ३ गते महाशिवरात्रीका दिन संस्थानको पशुपति शाखा कार्यालयबाट पञ्चामृतसहित पूजा सामाग्री पशुपतिनाथको मन्दिरमा अर्पण गरिने र सोहि दिन बेलुका मन्दिर वरपर बत्ति बालिने उनले जानकारी दिए ।

त्यसैगरि फागुन ५ गते शिवरात्रीका लागि पशुपति आएका साधुसन्तलाई योग्यता बमोजिम दक्षिणासहित विदाई गरिने संस्थानले जनाएको छ । साधु, सन्त महन्तलाई शिवरात्रि अवधिभर विभिन्न स्थानमा धुनी ताप्ने दाउरा, भोजन, जलपानको व्यवस्था गरिएको संस्थानले जानकारी दिएको छ । 
 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation