समाज

झापा–५ मा ओलीसँग बालेनको अचम्मको प्रारम्भिक मतान्तर

सिधाकुरा

शुक्रबार, फागुन २२, २०८२

झापा–५ मा ओलीसँग बालेनको अचम्मको प्रारम्भिक मतान्तर

काठमाडौँ । देशमा अबको प्रधानमन्त्री को हुने भन्ने चर्चा चलिरहँदा यस निर्वाचनमा सबैको ध्यान तानेको निर्वाचन क्षेत्र हो- झापा ५ । अहिले मतगणना भइरहेको झापा–५ जहाँबाट नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टीका वरिष्ठ नेता बालेन शाह चुनावी प्रतिस्पर्धामा छन् ।

यी दुवै नेता अबको प्रधानमन्त्रीका दाबेदार पनि हुन । त्यस कारण पनि झापा ५ को चुनावी प्रतिस्पर्धालाई सबैले निकै चासोले हेरिरहेको थियो। तर बिहीबार मतदान सम्पन्न भएर शुक्रवारदेखि झापा ५ को मतगणना भइरहँदा आइरहेको प्रारम्भिक मत परिणामले भने आम रुपमा सोचे जस्तो उनीहरूका बीचमा प्रतिस्पर्धा देखिँदैन ।

Watch On

यो समाचार तयार पार्दासम्म झापा ५ मा २२ हजार ६ सय ९१ मतगणना हुँदा रास्वपाका वरिष्ठ नेता तथा झापा–५ प्रतिनिधिसभा उम्मेदवार बालेन शाह ११ हजार ८ सय २५ मतान्तरले अगाडि छन् । उनको यो अग्रता सुरुवातदेखिकै हो ।

रास्वपाका उम्मेदवार शाहले १५ हजार एक सय ६९ मत प्राप्त गरेका छन् भने नेकपा एमाले अध्यक्ष तथा झापा–५ का प्रतिनिधिसभा प्रत्यक्षतर्फका उम्मेदवार केपी शर्मा ओलीले तीन हजार ३ सय ४४ मत प्राप्त गरेका छन् । त्यस्तै श्रम संस्कृति पार्टीका उम्मेदवार समीर तामाङले एक हजार ६ सय ७ मत प्राप्त गरेका छन् ।

प्रकाशित मिति: शुक्रबार, फागुन २२, २०८२

प्रतिक्रिया दिनुहोस्