अरबपति चौधरीलाई हराउँदै नवलपरासी पश्चिम १ मा रास्वपाका विक्रम खनाल निर्वाचित

नवलपरासी । नवलपरासी परिश्चम क्षेत्र न १ मा राष्ट्रिय स्वतन्त्र पार्टीका उम्मेदवार बिक्रम खनाल निकै भारी मतान्तरले निर्वाचित भएका छन। रास्वपाका खनालले ४५ हजार दुइ सय ४१ मत प्राप्त गरेका हुन ।

उनका प्रतिस्पर्धि रहेका नेपाली काँग्रेसका बिनोद कुमार चौधरीले ९ हजार पाँच सय २ मत प्राप्त गरेका छन ।

Watch On

रास्वपाका खनाल ३५ हजार सात सय ३९ मतान्तरले निर्वाचित भएका छन् । खनालसंग भारी मतान्तरले पराजित भएका काँग्रेस उम्मेदवार चौधरी गत निर्वाचनका बिजयी उम्मेदवार हुन । त्यस्तै नेकपा एमालेका राम प्रसाद पाण्डेले ७ हजार ९ सय ५६ मत प्राप्त गरेका छन।

यता जनता समाजवादी पार्टी नेपालका हृदयेस त्रीपाठिले ७८३२ मत प्राप्त गर्दा राष्ट्रिय प्रजातन्त्र पार्टीका उम्मेदवार नवनित कुमार मिश्रले एक हजार पाँच सय ९३ मत प्राप्त गरेका छन। त्यस्तै यस क्षेत्रमा उम्मेदवारी दर्ताका गराए यता पराजित भएका काँग्रेस उम्मेदवार चौधरीले आफ्नो प्रतिस्पर्धि नभएको र कसैसंग आफ्नो प्रतिस्पर्धा नहुने बताउदै आएका थिए ।

त्यस्तै निर्वाचित भएका खनालले यस क्षेत्रका किसान, शिक्षा, स्वास्थ्री, व्यापार , पर्यटनलाई केन्द्रमा राखेर कार्यक्रम बनाएर क्रमस पूरा गर्दै जाने प्रतिबद्धता ब्यक्त गरेका छन। निर्वाचित खनाल नेपाली काँग्रेसका लुम्बिनी प्रदेश महामन्त्री परित्याग गरि रास्वपा प्रवेश गरेका थिए।