समाज

सरकारबाट बाहिर रहे पनि कानुन निर्माणका विषयका सधैं सहयोग रहने छः मन्त्री सिन्हा

सिधाकुरा

बुधबार, फागुन २७, २०८२

सरकारबाट बाहिर रहे पनि कानुन निर्माणका विषयका सधैं सहयोग रहने छः मन्त्री सिन्हा

काठमाडौँ । कानुन, न्याय तथा संसदीय मामिला मन्त्री अनिल कुमार सिन्हाले आफू सरकारबाट बाहिर रहे पनि कानून निर्माणका विषयका आफ्नो सदैव सहयोग हुने बताएका छन् ।

२८ औँ अन्तर्राष्ट्रिय आत्मसम्मान तथा आदर दिवसका अवसरमा बुधबार काठमाडौंमा आयोजित कार्यक्रममा मन्त्री सिन्हाले आगामी दिनमा आफु सरकारबाट बाहिर रहे पनि कानून निर्माणका बिषयका आफ्नो सदैव सहयोग हुने बताएका हुन । आगामी दिनहरूमा पुरानो सोचलाई परिवर्तन गरेर नयाँ सोचका साथ मुलुकलाई अघि बढाउन समेत आवश्यक कानून निर्माणमा आफुले ध्यानकेन्द्रीत गरेको उनले बताए ।

Watch On

त्यस्तै उनले समाजमा हुने गरेको नकारात्मक टिप्पणीलाई अन्त्य गर्न शिक्षाको माध्यमबाट र सचेतनाको माध्यमबाट काम गर्नुपर्नेमा जोड दिए । मन्त्री सिन्हाले कुष्ठरोग प्रभावित व्यक्तिका लागि राज्यले गर्नुपर्ने काम प्रभावकारी रुपमा हुन नसकेको धारणा व्यक्त गरेका थिए ।

हरेक बर्ष मार्च ११ तारिखका दिन विश्वभरका कुष्ठरोग प्रभावित व्यक्तिहरूले जीवनमा नवीन उर्जा र आत्मविश्वासका साथ आफ्नो हक–हित, अधिकार, सम्मान र सह–अस्तित्वका लागि आफैले आवाज उठाएको दिनको रुपमा अन्तराष्ट्रिय आत्मसम्मान तथा आदर दिवस मनाइने गरिन्छ ।