सबै कुरा

बल्खुमा सात बर्षअघि एक महिलाको हत्या गरि फरार रहेका एक जना पक्राउ

सिधाकुरा

बिहीबार, पुस ५, २०८०

बल्खुमा सात बर्षअघि एक महिलाको हत्या गरि फरार रहेका एक जना पक्राउ

काठमाडाैँ : नेपाल प्रहरीले काठमाडौँंको बल्खुमा सात बर्षअघि एक महिलाको हत्या गरि फरार रहेका एक जनालाई पक्राउ गरेको छ ।

Watch On

२०७४ पौष ३० गते काठमाडौंको बल्खु भुवनेश्वरमन्दिर नजिकै ज्यामी काम गर्ने अप्सरा भन्ने नारायणी तिमिल्सिनाको हत्या गर्ने एक जनालाई प्रहरीले पक्राउ गरि सार्वजनिक गरेको हो ।

काठमाडौँ उपत्यका अपराध अनुसन्धान कार्यालयले बिहीबार पत्रकार सम्मेलन गर्दै घटनामा संलग्न अर्घाखाँचीको शितगंगा नगरपालिका–१४ घर भएका जगत विश्वकर्मा र मुख्य योजनाकार धादिङ घर भएका बर्ष ४६ को शिवराम अधिकारीलाई सार्वजनिक गरेको हो ।

अधिकारी भने यसअघि नै चोरीको घटनामा कारागारमा रहेका थिए । घटनाको अनुसन्धान गर्दा अधिकारी हत्याको मुख्य योजनाकार रहेको खुलेको अपराध अनुसन्धान कार्यालयका प्रमुख एसएसपी सोमेन्द्रसिंह राठौरले जानकारी दिनुभयो ।..

प्रहरीका अनुसार मृतक अप्सरासंगको चिनजानका क्रममा शिवरामले बल्खु क्षेत्रमा बोलाएर हत्यार गरेका थिए । हत्यापछि अप्सराले लगाएको सुन र खल्तीमा भएको केहि नगद निकालेर फरार भएको अनुसन्धानबाट खुलेको प्रहरीले जनाएको छ । विश्वकर्मालाई बुधबार नेपाल फर्कने क्रममा त्रिभुवन अन्तर्राष्ट्रिय विमानस्थलबाट पक्राउ गरिएको समेत प्रहरीले जनाएको छ ।

प्रकाशित मिति: बिहीबार, पुस ५, २०८०

प्रतिक्रिया दिनुहोस्