समाज

मन्त्रीको कार्यकक्षबाटै देशभरका मालपोत कार्यालयको अनुगमन

सिधाकुरा

बुधबार, वैशाख १६, २०८३

मन्त्रीको कार्यकक्षबाटै देशभरका मालपोत कार्यालयको अनुगमन

काठमाडौँ । देशभरका मालपोत कार्यालयहरुको सेवा प्रवाहबारे मन्त्रीको कार्यकक्षबाटै अनुगमन गर्न मिल्ने प्रणाली कार्यान्वयनमा आएको छ । उक्त प्रणाली जडान भएपछि भूमि व्यवस्था, सहकारी तथा गरिबी निवारणमन्त्री प्रतिभा रावलले मालपोत कार्यालयमा सेवा प्रवाह भए नभएकोबारे आफ्नै कार्यालयबाट निरीक्षण गर्न सक्नेछिन् ।

मालपोत कार्यालयहरूमा सर्भर डाउन हुने लगायतका गुनासाहरू बढ्दै गएपछि सेवा प्रवाहको अवस्थाबारे तत्काल जानकारी लिन तथा समस्याहरूको समयमै समाधान सुनिश्चित गर्न मन्त्री रावलले आफ्नै कार्यकक्षबाट प्रत्यक्ष रूपमा निरीक्षण गर्न सक्ने प्रणाली कार्यान्वयनमा ल्याइएको हो ।

Watch On

यसबाट सेवा प्रवाहलाई थप प्रभावकारी, पारदर्शी र सेवाग्राहीमैत्री बनाउने अपेक्षा गरिएको छ ।

उक्त प्रणाली जडान गरिएपछि मन्त्री रावलको कार्यकक्षमा रहेको मोनिटरमा देशैभरका मालपोत कार्यालयको विवरण देखिन्छ । सर्भर डाउन भएर सेवा रोकिएको कार्यालयमा रातो बत्तिले संकेत गर्छ भने सेवा प्रवाह भइरहेका कार्यालयमा हरियो बत्तिले संकेत गर्छ ।

रातो बत्ति बलेको कार्यालयमा के कारण सेवा रोकिएको हो ? बुझेर समस्याको समाधान हुन्छ ।

प्रकाशित मिति: बुधबार, वैशाख १६, २०८३

प्रतिक्रिया दिनुहोस्