समाज

रोल्पा दुर्घटनाः जिप ८०० मिटर तल खसेपछि यसरी गरियो उद्धार (फोटोफिचर)

सिधाकुरा

शुक्रबार, वैशाख १८, २०८३

रोल्पा दुर्घटनाः जिप ८०० मिटर तल खसेपछि यसरी गरियो उद्धार (फोटोफिचर)

काठमाडौँ । रोल्पामा बिहीबार भएको जिप दुर्घटनास्थलमा सुरक्षाकर्मीहरुले आज पनि उद्धार कार्य जारी राखेका छन् । नेपाल प्रहरी, सशस्त्र प्रहरी र स्थानीयहरुको सहकार्यमा उद्धार भएको हो ।

रुकुम पूर्वबाट रोल्पाको थवाङ गाउँपालिकाको जलजलातर्फ जाँदै गरेको लु १ ज ४१६७ नम्बरको जीप बिहीबार दिउँसो रोल्पाको थवाङ गाउँपालिका–१ सल्याप भन्ने ठाउँमा भिरबाट ८०० मिटर तल खसेर दुर्घटना भएको थियो ।

Watch On

उक्त दुर्घटनामा परी २० जनाको मृत्यु भएको छ । दुर्घटना लगत्तै जिल्ला प्रहरी कार्यालय रोल्पाका प्रहरी प्रमुख विरेन्द्र विश्वकर्मा नेतृत्वको टोली घटनास्थल पुगी उद्धार तथा खोजी कार्यमा खटिएको थियो । भौगोलिक विकटता, वर्षा भइरहेको तथा राति भइसकेकाले खोजी तथा उद्धारमा कठिनाइ भएको थियो ।

दुघएटनाबारे छानबिन गर्न गृह मन्त्रालयले छानबिन गर्न समिति गठन गरेको छ । मन्त्रालयले लुम्बिनी प्रदेश प्रहरी कार्यालय तुलसीपुरका प्रहरी उपरीक्षकको संयोजकत्वमा चार सदस्यीय समिति गठन गरेको हो ।

समितिलाई घटनाको सत्यतथ्य अध्ययन गरी तीन दिनभित्र प्रतिवेदन पेस गर्ने जिम्मेवारी दिइएको छ । समितिलाई दुर्घटनाको कारण तथा लापरबाही र कमजोरी पत्ता लगाई तथा आगामी दिनमा दुर्घटना न्यूनीकरणका लागि चाल्नुपर्ने कदमबारे सुझाव दिने कार्यादेश दिइएको छ ।