किसानको हितमा कृषिमन्त्रीको सक्रियताः बाली लगाउनुअघि नै धानको समर्थन मूल्य निर्धारण, पहिलेको भन्दा उच्च वृद्धि

काठमाडौँ । कृषि, वन तथा पर्यावरणमन्त्री गिता चौधरीको प्रस्तावमा मन्त्रिपरिषद्ले धानको न्यूनतम समर्थन मूल्य निर्धारण गरेको छ । सरकारले यस वर्ष धानको समर्थन मूल्य गत वर्षको तुलनामा प्रतिक्विन्टल ९७ रुपैयाँ सम्म वृद्धि गरेको छ । 

आउँदो आर्थिक वर्ष २०८३.०८४ का लागि मोटा धानको मूल्य ३६५८.५६ पैसा प्रतिक्विटल र मसिनो धानको मूल्य ३८५२.२७ पैसा प्रतिक्विटल निर्धारण गरिएको छ । चालु आर्थिक वर्ष २०८२.८३ मा मोटा धानको ३५८४.४१ पैसा प्रतिक्विटल र मसिनो धानको मूल्य ३७५५.५१ पैसा प्रतिक्विटल थियो । आउँदो आर्थिक वर्षको लागि मोटा र मसिनो धानको मूल्य क्रमशः ७४।१५ पैसा र ९६।७६ रुपैयाँ बढी तोकिएको छ । 

Watch On

मन्त्री चौधरीले बाली लगाउनुअघि नै न्यूनतम समर्थन मूल्य निर्धारण गर्ने कार्यविधिअनुसार आउँदो वर्षका लागि किसानले धान रोप्नुअघि नै मूल्य निर्धारण गरिएको बताइन् । “किसानले रोपाइँ अगावै मूल्य थाहा पाउँदा धान रोप्ने वा नरोप्ने भन्ने निर्णय आफैं गर्न सक्नुहुन्छ । त्यसैले सरकारले यस पटक समयमै मूल्य निर्धारण गरेको हो । यसबाट किसानले आफ्नो लागत उठ्ने गरी खेती गर्ने निर्णय लिन सहज हुनेछ,” उनले भनिन् ।

भारतको भन्दा बढी मूल्य निर्धारण
 
किसानलाई राहत दिने उद्देश्यसहित भारतको भन्दा प्रतिक्विन्टल ३० रुपैयाँ बढी समर्थन मूल्य तोकिएको छ । नेपाल सरकारले मसिनो धानको प्रतिक्पिटल मूल्य ३८५२.२७ निर्धारण गरेको छ भने भारतले मसिनो धानको प्रतिक्विटल ३८२२.४ रुपैयाँ तोकेको छ । 

धानको न्यूनतम समर्थन मूल्य निरन्तर वृद्धि, २०८३/८४ मा सबैभन्दा उच्च

धानको न्यूनतम समर्थन मूल्य पछिल्ला आर्थिक वर्षहरूमा लगातार वृद्धि भएको छ । मोटा र मसिनो धान दुवैको मूल्य प्रत्येक वर्ष क्रमशः बढ्दै गएको छ । कृषि क्षेत्रमा लागत वृद्धि भएसँगै किसानले उत्पादनको उचित मूल्य पाउनुपर्छ भन्दै आगामी आर्थिक वर्षको लागि धानको मूल्य हालसम्मकै सबैभन्दा उच्च रहेको मन्त्री चौधरीले बताइन् । “महँगी बढेको छ, किसानले आफ्नो लागत पाउनुपर्छ । यो मूल्य निर्धारण गर्दा हामीले सम्पूर्ण मापदण्डहरू हेरेर नै निर्धारण गरेका छौँ,” उनले भनिन् । 

यस्तो छ, पछिल्लो सात वर्षको धानको मूल्य