इजरायल जाने नेपालीको भाषा परीक्षामा आर्थिक चलखेल भएको विद्यार्थीको आरोप

काठमाडौँ । सिआइआइएनले आफूहरूको भविष्यमाथि खेलबाड गरेको भन्दै वैदेशिक रोजगारीका लागि इजरायलको तयारीमा रहेका सयौँ युवाहरूले काठमाडौँमा विरोध जनाएको छन्।

मङ्गलवार सिआइआइएनको त्रिपुरेश्वरस्थित कार्यालयमा परीक्षा दिन देशभरबाट उपस्थित भएका सयौँ परीक्षार्थीले आफूहरूको परीक्षा नियम सङ्गत नभएको भन्दै पुनः परीक्षा गरिनु पर्ने भन्दै विरोध जनाएका हुन्।

Watch On

उनीहरूले परीक्षामा सिआइआइएनको लापरबाहीपूर्ण व्यवस्थापन, शुल्क दोब्बर लिएर फिर्ता नगर्नु, एक व्यक्तिको रिजल्ट बेलुका एउटा र बिहान अर्कै निकाल्नु, समय तालिका अनुसार परीक्षा सञ्चालन गर्न नसक्नु, विभिन्न यो वा त्यो बहानामा परीक्षार्थीबाट चर्को शुल्क असुलेको र गुनासो गर्दा उल्टै परीक्षार्थीमाथि नै हातपात भएको भन्दै विरोध परीक्षार्थीले विरोध जनाएका हुन्।

विरोधसँगै हाललाई अर्को सूचना जारी नभएसम्मका लागि सिआइआइएनले यसअघि जारी गरेका सम्पूर्ण परीक्षा तालिकाका कार्यक्रम स्थगित गरेको जनाएको छ । तर हामीले यस विषयमा बुझ्न खोज्दा कार्यालयका कुनै पनि अधिकारीले बोल्न मानेनन्।

यस वर्ष जीटुजीमार्फत  ‘केयर गिभर’ का लागि रोजगारीका लागि दुई हजार ३ सय युवा नेपालबाट इजरायल लैजाने तयारी रहेको छ । तर रोजगारीमा जान इच्छुक कामदारले क्यम्ब्रीज अपस्किल इङ्लिस टेस्ट उर्तिण गरेको हुनुपर्ने मापदण्ड कायम गरिएपछि १४ हजार बढीले भाषा परीक्षाका लागि आवेदन दिएका थिए ।

सिआइआइएनको कार्यालयले सञ्चालन गरेको  परीक्षामा त्रुर्टीपूर्ण र आर्थिक चलखेल देखिएको आशङ्का गर्दै परीक्षार्थीहरूले विरोध जनाएका छन्।

त्यस्तै सिआइआइएनको गैर जिम्मेवार पूर्ण कार्यशैली प्रति परीक्षार्थीले विरोध जनाउँदै वैदेशिक रोजगार विभाग, श्रम मन्त्रालय र गृह मन्त्रालयको समेत ध्यानाकर्षण गराएका छन्।

समयमै आफ्ना माग पुरा नभए न्यायका लागि अदालतसम्म पुग्ने बताएका छन्।