सबै कुरा

सिरहामा मिटरब्याज पीडितमाथि खुकुरी प्रहारको प्रयास गर्ने एकजना पक्राउ

सिधाकुरा

मंगलबार, पुस २४, २०८०

सिरहामा मिटरब्याज पीडितमाथि खुकुरी प्रहारको प्रयास गर्ने एकजना पक्राउ

सिरहामा मिटरब्याजी पीडितलाई खुकुरी प्रहारको प्रयास गर्ने एक जनालाई प्रहरीले पक्राउ गरेको छ । पक्राउ पर्नेमा सोही ठाउँका रामबाबु साह रहेका छन् ।

सिरहाको कल्याणपुर नगरपालिका ८, अरङका संजयकुमार कामतीमाथि कुटपिट र खुकुरी प्रहारको प्रयास भएको थियो । मिटरब्याजीले कब्जा गरी अरूसँग बेचिसकेको घरमा सोमबार दिउँसो ४ बजे उनी जान खोजेका थिए । त्यसैक्रममा घरजग्गा किनेका सोही स्थानका रामनारायण सिंह र उनका छोरा शैलेन्द्र सिंहले उनीमाथि कुटपिट र खुकुरी प्रहारको प्रयास गरेका हुन् ।

खुकुरी तोकेको भिडियो सामाजिक सञ्जालमा समेत भाइरल भएको छ । भिडियो भाइरल भएपछि साहलाई पक्राउ गरेको प्रहरीले जनाएको छ ।

भिडियोमा संजय कामतीमाथि खुकुर प्रहारको प्रयास भएको देखिन्छ । कामतीले २०७३ सालमा कल्याणपुर ८, मझाउका लेखापढी व्यवसायी सुरेश पंजियारसँग ३ लाख रुपैयाँ ऋण लिएका थिए । त्यसबापत पंजियारले कामतीसँग ४ लाख ८० हजार र ७ लाख ५० हजार गरी १२ लाख ३० हजारको दुई वटा तमसुक बनाए ।

आर्थिक रुपले विपन्न कामतीले ऋण तीर्न पैसा जोहो गरिरहेकै बेला पंजियारले अदालतबाट २०७८ सालमा १ बिघा एक कठ्ठा खेत, १ कठ्ठा ६ धुर घडेरी र एउटा घर गरी डेढ करोड बराबरको सम्पत्ति डाक लिलाम गराएका थिए ।

प्रकाशित मिति: मंगलबार, पुस २४, २०८०

प्रतिक्रिया दिनुहोस्