मुख्य समाचार

रास्वपाको महाधिवेशन स्थल फेरियो, अब भरतपुरको औद्योगिक प्रदर्शनी केन्द्रमा हुने

सिधाकुरा

मंगलबार, असार २, २०८३

रास्वपाको महाधिवेशन स्थल फेरियो, अब भरतपुरको औद्योगिक प्रदर्शनी केन्द्रमा हुने

काठमाडौँ । राष्ट्रिय स्वतन्त्र पार्टीको महाधिवेशन स्थल परिवर्तन भएको छ ।

यसअघि टाडीस्थित स्टार बेंक्वेट होटल र नजिकको चौरमा टेन्ट हालेर खुला सत्र र बन्द सत्र गर्ने तय भएकोमा चितवनको अत्यधिक गर्मीलाई मध्यनजर गर्दै महाधिवेशन स्थल परिवर्तन गरिएको महामन्त्री कबिन्द्र बुर्लाकोटीले बताए ।

Watch On

टाडीको व्यवस्थापनले गर्मी नधान्ने भन्दै जिल्लाका पदाधिकारीले सभापति रबि लामिछानेलाई संशोधन गर्न सुझाएका थिए । उनीहरुले भरतपुरमा रहेको चितवन प्रदर्शनी केन्द्र सुझाएका थिए । जिल्लाको सुझावअनुसार सभापति लामिछानेले वातावरण अनुकूल हुनेगरी चितवन प्रदर्शनी केन्द्रलाई नै तोक्ने निर्णय गरेका हुन् ।

रास्वपा चितवनका एक नेताकाअनुसार भरतपुरको टेलिकम कार्यालय, कबर्ड हल र जिल्ला प्रहरी कार्यालय नजिकै रहेको चितवन प्रदर्शनी केन्द्रमा तीनवटा हल छ ।

अत्यधिक गर्मीमा एसी, एयर कन्डिसनको सिस्टम राम्रो छ । पर्याप्त पार्किङ स्थल छ ।

एउटा हलमा बन्दसत्र गरिनेछ । जहाँ ३५ सय मान्छे राख्न सकिन्छ । अर्को हलमा खाना व्यवस्थापन गरिनेछ । अर्को हल प्रतिनिधि सदस्यहरु बस्ने आराम गर्न प्रयोग गरिनेछ ।

सवारी व्यवस्थापन र सुरक्षाको हिसाबले पनि यो उपयुक्त भएको उनको भनाइ छ ।

प्रकाशित मिति: मंगलबार, असार २, २०८३

प्रतिक्रिया दिनुहोस्