केन्द्रीय समिति बैठकमा रविले भने– लोकतन्त्रप्रतिको प्रतिबद्धताबाट कहिल्यै बिमुख हुने छैनौं

सिधाकुरा

शनिबार, असार ६, २०८३

केन्द्रीय समिति बैठकमा रविले भने– लोकतन्त्रप्रतिको प्रतिबद्धताबाट कहिल्यै बिमुख हुने छैनौं

चितवन । राष्ट्रिय स्वतन्त्र पार्टीका सभापति रवि लामिछानेले लोकतन्त्रप्रतिको प्रतिबद्धताबाट आफू र पार्टी कहिल्यै बिमुख नहुने बताएका छन् ।

भरतपुरको दियालो फुडल्याण्डमा बसेको केन्द्रीय समितिको बैठकलाई सम्बोधन गर्दै रास्वपा संस्थापक सभापति लामिछानेले पार्टीको आन्तरिक लोकतन्त्र झनै महत्वपूर्ण हुने बताए ।

Watch On

बैठकमा उनले भने– ‘लोकतान्त्रिक मूल्य, मान्यताहरू र लोकतन्त्रप्रतिको प्रतिबद्धताबाट हामी कहिल्यै विमुख हुने छैनौँ, म कहिल्यै विमुख हुनेछैन । म यो कुरा यहाँहरूलाई आजको यो बैठकको सुरुवातमा नै बताउन चाहन्छु ।’

सभापति लामिछानेले पार्टीमा आन्तरिक लोकतन्त्रका विषयमा कुनै सम्झौता नगर्ने स्पष्ट पारे । उनले भने ‘मेरो लागि निष्ठा र आन्तरिक लोकतन्त्र कुनै सम्झौता गर्ने विषय होइन । मैले त्यसमा कहिल्यै पनि सम्झौता नगर्ने वचनबद्धता प्रकट गरेको छु र म त्यसमा खरो उत्रिने प्रयास आफ्नो राजनीतिक जीवनभरि गरिरहनेछु ।’

उनले महाधिवेशनमा स्वस्थ प्रतिस्पर्धा गर्न पनि सबैलाई आग्रह गरे । त्यसक्रममा सभापति लामिछानेले पार्टी स्थापनादेखि हालसम्म आफू र पार्टीले भोगेका पीडा, सफलता, जनचाहना लगायत विषयमा पनि आफ्नो धारणा राखेका थिए ।

प्रकाशित मिति: शनिबार, असार ६, २०८३

प्रतिक्रिया दिनुहोस्