समाज

प्रवक्ता मनिष झाको पदाधिकारीमा चाहना

सिधाकुरा

सोमबार, असार ८, २०८३

काठमाडौँ । राष्ट्रिय स्वतन्त्र पार्टी (रास्वपा) का प्रवक्ता मनिष झाले आगामी केन्द्रीय समितिमा पदाधिकारीमा चाहना व्यक्त गरेका छन्।

चितवनमा जारी रास्वपाको पहिलो महाधिवेशनमा झाले पदाधिकारीमा उम्मेदवारी दिने संकेत समेत गरेका छन् । उनले महामन्त्रीमा चाहना राखेको निकटस्थहरुलाई बताउने गरेका छन्।

Watch On

महाधिवेशनस्थलमा पत्रकारहरुसँगको कुराकानीमा प्रवक्ता झाले भने, ‘पार्टी स्थापनाकालदेखि यहाँसम्म आइपुग्दै गर्दा पार्टीका लागि जुन किसिमको भूमिका निर्वाह गरेको छु, त्यसले गर्दा आगामी पदाधिकारीमा मैले आफूलाई दाबी गर्न सक्छु । यसलाई कसैले अस्वाभाविक रूपमा लिनुहुन्न होला जस्तो लाग्छ ।’

त्यस्तै प्रवक्ता झाले महाधिवेशनको बन्द सत्रको समय ढिलो हुँदै जानुलाई पार्टीले निकै कम समयको तयारीमा महाधिवेशन गर्न लागेकाले व्यवस्थापकीय कमजोरी भएको स्वीकारेका छन्।

उनले भने, ‘रास्वपाको यो पहिलो महाधिवेशन भएकाले चुनौतीलाई स्वीकार गरेर निकै छोटो समयमा महाधिवेशन गर्दै छौं । महाधिवेशनको घोषणा भएको २५ दिन भित्र वडादेखि महाधिवेशनसम्म गर्दैछौँ । केही व्यवस्थापकीय सम्झौताहरू र चुनौतीहरू यसलाई राजनीतिक दलले स्वाभाविक रूपमा लिनुपर्छ । बिग्रिसकेको छैन अलि ढिलाइ मात्र भएको रूपमा बुझिदिन आग्रह गर्छु।'

प्रकाशित मिति: सोमबार, असार ८, २०८३

प्रतिक्रिया दिनुहोस्