समाज

एमालेको निष्कर्षः विष्णु पौडेलमाथि प्रतिशोध साँधियो

सिधाकुरा

मंगलबार, असार ९, २०८३

एमालेको निष्कर्षः विष्णु पौडेलमाथि प्रतिशोध साँधियो

काठमाडौँ । नेकपा एमालेले पार्टीका उपाध्यक्ष विष्णु पौडेललाई गैरकानुनी, गैरन्यायिक र प्रतिशोधपूर्ण ढङ्गले पक्राउ गरेको निष्कर्ष निकालेको छ ।

पार्टी कार्यालय च्यासलमा आज बसेको एमाले संसदीय दलको बैठकले पौडेललाई गैरकानुनी, गैरन्यायिक र प्रतिशोधपूर्ण ढङ्गले पूर्वाग्रह ढङ्गले पक्राउ गरेको भन्दै भत्र्सना गरेको प्रमुख सचेतक ऐन महरले जानकारी दिए ।

Watch On

पौडेललाई पक्राउ गर्नु कानुनी राज्य र विधिको शासनको वर्खिलाफमा रहेकाले अविलम्ब बिनाशर्त रिहाइ गर्न सरकारको ध्यानाकर्षण गराउने निर्णय गरेको महरले बताए ।

फरक राजनीतिक विचार राख्ने पार्टीका नेता कार्यकर्ताहरूलाई शृंखलाबद्ध र योजनाबद्ध तरिकाले सरकारले प्रतिशोध साँधेको उनले दाबी गरे ।

बैठकले सशक्त, रचनात्मक र एकदम जिम्मेवार प्रतिपक्षीको रूपमा सदनमा भूमिका खेल्ने र त्यसका लागि पार्टीसँग सहकार्य र समन्वय गर्ने प्रस्ताव पारित गरेको छ ।

बैठकले चिया निर्यातको समस्या समाधान गर्न र पेट्रोलियम पदार्थहरूको मूल्यवृद्धिका कारण उपभोग्य बस्तुमा भएको मूल्यवृद्धि नियन्त्रण गर्न समेत सरकारको ध्यानाकर्षण गराएको छ ।

प्रकाशित मिति: मंगलबार, असार ९, २०८३

प्रतिक्रिया दिनुहोस्