समाज

रास्वपा सभापतिमा रवि लामिछानेको मनोनयन, बालेन प्रस्तावक

सिधाकुरा

मंगलबार, असार ९, २०८३

रास्वपा सभापतिमा रवि लामिछानेको मनोनयन, बालेन प्रस्तावक

सभापतिमा रविको मनोनयनपत्रमा प्रस्तावकका रुपमा हस्ताक्षर गर्दै प्रधानमन्त्री बालेन

चितवन । राष्ट्रिय स्वतन्त्र पार्टी (रास्वपा) को सभापतिमा रवि लामिछानेको उम्मेदवारी दर्ता भएको छ । रविको प्रस्तावकमा वरिष्ठ नेता एवम् प्रधानमन्त्री बालेन शाह छन् ।

चितवनमा जारी महाधिवेशन अन्तर्गत नयाँ नेतृत्व चयनका लागि भोलि निर्वाचन हुँदैछ ।

Watch On

निर्वाचन आयोगले सभापति पदका लागि साँझ ७ बजेदेखि साढे ७ बजेसम्मको समय तोकेकोमा सभापतिमा रवि लामिछानेको मात्रै एकल उम्मेदवारी परेको छ ।

रवि लामिछाने रास्वपाका संस्थापक सभापति हुन् ।

रास्वपाका शीर्ष नेताहरुका बीचमा यसअघि नै रवि लामिछानेलाई सर्वसम्मत सभापति बनाउने सहमति भएको थियो । त्यस्तै, बालेन शाह सर्वसम्मत वरिष्ठ नेता नेता बन्ने छन् ।

अब केन्द्रीय सदस्य पदका लागि उम्मेदवारी दर्ताको समय समय सुरु भएको छ । राति साढे ९ बजेसम्म केन्द्रीय सदस्य पदका उम्मेदवारले मनोनयन दर्ता गराउन सक्ने छन् ।

पहिलो चरणमा एक सभापति र ९९ सदस्य केन्द्रीय सदस्य छानिने छन् । पदाधिकारी छान्न भने दोस्रो चरणको निर्वाचन हुने छ ।

प्रकाशित मिति: मंगलबार, असार ९, २०८३

प्रतिक्रिया दिनुहोस्