अल्टिमा लाइफस्टाइल नेपालकै नम्बर १ इन्डिपेन्डेन्ट इलेक्ट्रोनिक्स ब्रान्ड बन्न सफल

काठमाडौँ । नेपाली बजारकाे अग्रणी स्वदेशी ग्याजेट तथा अडियो ब्रान्ड अल्टिमा लाइफस्टाइल (Ultima Lifestyle), बिक्री भोल्युम र बलियो वितरण नेटवर्कका आधारमा आधिकारिक रूपमा नेपालकै नम्बर १ इन्डिपेन्डेन्ट इलेक्ट्रोनिक्स ब्रान्ड बन्न सफल भएको छ । नेपालको समग्र स्मार्ट वेयरेबल्स र अडियो बजारमा करिब २०% देखि २५% को बलियो हिस्सा ओगट्दै अल्टिमाले ठूला विदेशी ब्रान्डहरूलाई पछि पारेर स्वदेशी उपभोक्ताको पहिलो रोजाइको ब्रान्डको रूपमा इतिहास रचेको कम्पनीकाे दावी छ । 

ब्रान्डको वृद्धि बढाउने मुख्य उत्पादनका बिक्री:

Watch On

इयरबड्स (TWS) र स्मार्टवाच: कुल बजारमा २०% देखि २५% हिस्सा र किफायती बजेट सेगमेन्ट (रु. ३,००० मुनिका इयरबड्स र रु. ५,००० मुनिका स्मार्टवाच) मा ३०% भन्दा बढी को हिस्सा ।

ब्लुटुथ स्पिकर: 'Soundbox' र 'Dynamite' सिरिजहरूको बलियो उपस्थितिका कारण समग्र स्पिकर विधामा १५% देखि २०% को बलियो बजार हिस्सा । कम्पनीका अनुसार यो उपलब्धि यस्तो समयमा आएको छ, जहाँ समग्र ग्याजेट बजारले आयात नीति र बढ्दो राजस्व/भन्सार शुल्क जस्ता विभिन्न आर्थिक चुनौतीहरूको सामना गरिरहेको छ । यस्तो जटिल अवस्थामा पनि अल्टिमा लाइफस्टाइलले आफनो उत्कृष्ट आन्तरिक व्यवस्थापन, कठोर गुणस्तर परीक्षण मापदण्ड (SOP), र 'Value for Money' (किफायती मूल्यमा प्रिमियम विशेषता) को अवधारणालाई कायम राख्दै चुनौतीहरूलाई बजार नेतृत्वमा परिणत गरेको छ । 

"यो कोसेढुङ्गा केवल अल्टिमाको मात्र होइन, यो समग्र #UltimaArmy र स्वदेशी उत्पादन तथा नेपाली पहिचानलाई विश्वास गर्ने प्रत्येक नेपाली उपभोक्ताको साझा जित हो," अल्टिमा लाइफस्टाइलका प्रतिनिधिले भने ।  

आगामी आर्थिक वर्षमा अल्टिमा लाइफस्टाइलले आफ्नो बजार उपस्थितिलाई अझ व्यापक बनाउने योजना बनाएको छ । क्षेत्रीय टियर-१ वितरकहरू, राष्ट्रिय रिटेल चेनहरू, र दराज लगायत आफनै ई-कमर्स च्यानलहरूको माध्यमबाट देशका कुना-काउन्टरसम्म पुगेको अल्टिमाले छिट्टै नयाँ फिजिकल एक्सपेरियन्स स्टोरहरू र परिष्कृत युनिफाइड मोबाइल एप इकोसिस्टममार्फत ग्राहकहरूलाई अझ उत्कृष्ट प्रविधि सेवा प्रदान गर्ने बताएकाे छ ।

अल्टिमा लाइफस्टाइल नेपालको तीव्र गतिमा अघि बढिरहेको लाइफस्टाइल एसेसरिज ब्रान्ड हो । स्वदेशी प्रविधि बजारलाई नयाँ उचाइ दिने उद्देश्यका साथ स्थापित अल्टिमाले अन्तर्राष्ट्रिय मापदण्डका स्मार्टवाच, इयरबड्स, एसेसरिजहरू नेपाली उपभोक्ताको आवश्यकता र चाहना अनुरूप उपलब्ध गराउँदै आएको छ ।