समाज

सुकुम्वासी होल्डिङ सेन्टरका विद्यार्थीसँग शिक्षामन्त्री, भर्ना सहजता देखि स्कुल बस व्यवस्थापन गर्ने

सिधाकुरा

सोमबार, असार २९, २०८३

सुकुम्वासी होल्डिङ सेन्टरका विद्यार्थीसँग शिक्षामन्त्री, भर्ना सहजता देखि स्कुल बस व्यवस्थापन गर्ने

काठमाडौँ । शिक्षा तथा खेलकुद मन्त्रालयले भक्तपुरस्थित खरिपाटी र बोडेमा रहेको सुकुम्वासी होल्डिङ सेन्टरमा रहेका विद्यार्थीका लागि राहत सामग्री वितरण गरेको छ ।

सरकारका प्रवक्ता एवं शिक्षा तथा खेलकुद मन्त्री सस्मित पोखरेलले आज दुबै होल्डिङ सेन्टर पुगेर विद्यार्थीका लागि शैक्षिक तथा खेलकुद सामग्री हस्तान्तरण गरे ।
विद्यार्थीका लागि शैक्षिक सामग्री तथा खेलकुदका सामग्री वितरण गरिएको छ ।

Watch On

शिक्षा मन्त्रालय अन्तर्गतका शिक्षा तथा मानव स्रोत विकास केन्द्रका पदाधिकारीसहित मन्त्री पोखरेल होल्डिङ सेन्टर पुगेका थिए । त्यहाँको अन्य आवश्यकता र थप बन्दोबस्तीका लागि केन्द्रले आवश्यक अध्ययन तथा सहजिकरण गर्ने जनाइएको छ ।

सो क्रममा मन्त्री पोखरेलले भर्नामा समस्या भएका विद्यार्थीहरुका लागि मन्त्रालयकोतर्फबाट आवश्यक सहजिकरण गरिने जानकारी गराए ।
यसैबीच होल्डिङ सेन्टरमा रहको विद्यार्थीलाई विद्यालय जान सहजताका लागि भोलि मंगलबारदेखि बसको पनि व्यवस्था गरिएको मन्त्रालयले जनाएको छ ।
यसअघि आइतबार गृहमन्त्री सुधन गुरुङको नेतृत्वमा सरकारका उच्चस्तरीय मन्त्रीहरूको टोलीले होल्डिङ सेन्टरको स्थलगत अनुगमन गरी सुकुम्वासीहरूको जीवनयापन, उनीहरूले भोगिरहेका समस्या र सरकारी सुविधाको अवस्थाबारे जानकारी लिएको थियो ।