३४ वटा जिल्लामा बाढीको मध्यम जोखिम

काठमाडौँ । वर्षा गराउने प्रणाली नेपालको तराई क्षेत्रनजिक र पूर्वमा सरदरको स्थानमै रहेकाले नेपालको मौसम प्रणालीमा त्यसको प्रभाव देखिएको छ । जसका कारण आज गण्डकी, लुम्बिनी, कर्णाली प्रदेशका हिमाली, पहाडी र तराई भूभागका केही स्थानमा सय मिलिमिटरसम्मको वर्षाको सम्भावना छ । 

बाढी पूर्वानुमान महाशाखाको नियमित बुलेटिनअनुसार बिहीबार ३४ जिल्लामा बाढीको मध्यम जोखिम देखिएको छ । 

Watch On

महाशाखाकाअनुसार कोशी, नारायणी, कर्णाली, महाकाली, कन्काइ, कमला, बागमती, पूर्वी राप्ती, पश्चिम राप्ती, बबई गरी १० वटै जलाधार क्षेत्रमा नदीहरूको बहाव उल्लेख्य बढ्नेछ । तर सतर्कता तहभन्दा तलै रहने प्रक्षेपण छ । 

आज ताप्लेजुङ, पाँचथर, इलाम, तेह्रथुम, संखुवासभा, सोलुखुम्बु, भोजपुर, खोटाङ, उदयपुर, ओखलढुंगा, सिन्धुली, दोलखा, रामेछाप, सिन्धुपाल्चोक, काभ्रेपलाञ्चोक, मकवानपुर, काठमाडौँ, भक्तपुर, ललितपुर, धादिङ, नुवाकोट, रसुवा, गोरखा, लमजुङ, तनहुँ, कास्की, स्याङ्जा, चितवन, नलवपरासी, नवलपुर, रुपन्देही, पाल्पा, बाँके, बर्दिया गरी ३४ जिल्लामा आकस्मिक बाढीको मध्यम जोखिम छ । 

शुक्रबार र शनिबार नारायणी जलाधार अन्तर्गतका सबै नदी खोलाको उल्लेख्य बहाव बढ्ने र सतर्कता तह आसपास पुग्ने बाढी पूर्वानुमान महाशाखाको आकलन छ । शुक्रबार र शनिबार सावधानी अपनाउन महाशाखाले भनेको छ ।