समाज

सर्वदलीय बैठकमा राजेन्द्र लिङ्देनले भनेः गहिरो अनुसन्धान गरौँ,शान्ति र भाइचारा कायम राखौँ

सिधाकुरा

बुधबार, साउन १३, २०८३

सर्वदलीय बैठकमा राजेन्द्र लिङ्देनले भनेः गहिरो अनुसन्धान गरौँ,शान्ति र भाइचारा कायम राखौँ

काठमाडौँ । राप्रपा अध्यक्ष राजेन्द्र लिङ्देनले सिंहदरबारमा आज आयोजित सर्वदलीय बैठकमा सुनसरीको कप्तानगञ्ज घटनाबारे गहिरो अनुसन्धान गर्न आवश्यक रहेको बताएका छन् । उनले तुरून्त आयोग गठनको समेत माग गरेका छन् ।

सत्तारूढ रास्वपा सभापति रवि लामिछानेको आह्वान गरेको सर्वदलीय बैठकमा अध्यक्ष लिङ्देनले धार्मिक संवेदनशीलता र परिस्थितिको गाम्भीर्यता बुझ्न आवश्यक रहेको उल्लेख गर्दै भने, ‘कप्तानगन्ज घटना भुसको आगोसरी फैलिनु अगावै यसको जरासम्म पुगेर दीर्घकालीन समाधान निकालौं। तुरुन्तै आयोग बनाऔं, संवाद गरौं, यो हतारको र अति संवेदनशील विषय हो।’

Watch On

उनले कप्तानगन्ज घटनाका मृतकका परिवारलाई यथोचित राहत, क्षतिपूर्ति र न्यायको सुनिश्चितता गरिनुपर्ने तथा घाइतेहरूको प्रभावकारी उपचार हुनुपर्नेमा जोड दिए।

अध्यक्ष लिङ्देनले सामाजिक सदभाव, आपसी एकता, शान्ति र भाइचारा कायम गर्न आग्रह गरे ।
उनले भने ‘प्रत्येक नेपालीले आफ्नो धर्म, संस्कृति, संस्कार र परम्पराको अभ्यास निर्वाध गर्न पाउनुपर्छ। संविधान र कानुनले सुनिश्चित गरेको नागरिक अधिकारको उपभोग निर्भयपूर्वक गर्न पाउने वातावरण राज्यले सुनिश्चित गर्नुपर्छ। हाम्रो सदियौंदेखिको सामाजिक सदभाव, आपसी एकता, शान्ति र भाइचारा कायम गरौं,’ ।

प्रकाशित मिति: बुधबार, साउन १३, २०८३

प्रतिक्रिया दिनुहोस्