घरबाट निस्किएर आफ्नै घरमा आगो लगाउन जानेलाई रोकौँः रवि लामिछाने

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले हिंसा भड्किन नदिन सबै जिम्मेवार बन्नुपर्ने बताएका छन् । कोही कसैले पनि हिंसात्मक अभिव्यक्ति दिन नहुने उनको भनाई छ । 

बिहीबार राति मधेशकेन्द्रीत दलहरुसँगको छलफलपछि सञ्चारकर्मीलाई प्रतिक्रिया दिदै उनले भने, अहिले हिंसा नभड्कियोस् भन्नका लागि सद्भाव कायम रहोस् भन्नका लागि यदी मसँग आगो निभाउन पानी छैन भने म नबोल्दा राम्रो हुन्छ । हामीले बोलेको बोलीले त्यहाँ शान्ति कायम हुन्छ, आगो निभ्छ भने त्यो बोलेको राम्रो हुन्छ ।’

Watch On

अहिलेको कसैमाथि आरोप लगाउने वा समिक्षा गर्ने समय नभएको उनको भनाई छ । अहिलेको समय सद्भाव कायम गर्ने भएको उनको भनाई छ । र बोल्दा आगो निभ्नुको साटो बल्यो भने त्यस्तो अवस्थामा संयमता अपनाउनुपर्ने उनले बताए । ‘हामीले बोल्दा त्यो निभ्नुको साटो झनै बल्छ भने त्यस्ता अभिव्यक्ति दिन हुँदैन । घर जल्दा कुनै पनि सदस्यलाई त्यसले पोल्नुपर्छ,’ उनले भने ।

उनले हिंसात्मक प्रदर्शनमा निस्कनेलाई घरमै रोक्नुपर्ने उनको भनाई थियो । ‘आफ्नो घरबाट यस्तो किसिमको प्रदर्शनमा जानेलाई घरमै रोकौँ । हरेक अभिभावकको जिम्मेवारी पनि हो यो । घरबाट निस्किएर घरमै आगो लगाउन किन पठाउँदै छौँ हामी ? त्यसकारण भएका कमीकमजोरीहरुको समिक्षा हामी गर्दै गरौँला । दोषको बाँडफाँडमा नलागौँ ।’ उनले भने ।