नेभिगेशन
नेताका कुरा

कोशी र लुम्बिनीमा पुरानै मुख्यमन्त्री निरन्तरता, बागमतीमा ओलीले किरणलाई गरिरहेछन् जोडबल

काठमाडौँ । नेकपा एमालेका अध्यक्ष केपी शर्मा ओलीले बागमती प्रदेशमा किरण थापामगरलाई मुख्यमन्त्री बनाउन चाहेको एमाले नेताहरूले बताएका छन् । लुम्बिनीमा चेतनारायण आचार्य र कोशीमा हिक्मत कार्कीलाई नै निरन्तरता दिनेमा नेताहरूबीच सहमति जुटेको एक नेताले बताए ।

ती नेताका अनुसार बिहीबार बिहान अध्यक्ष केपी शर्मा ओलीले उपाध्यक्षद्व रामबहादुर थापा ‘बादल’, विष्णु पौडेल र महासचिव शंकर पोखरेललाई छलफलका लागि गुण्डु बोलाएका थिए ।
बिहान ११ बजेदेखि भएको छलफल अपराह्नमात्रै टुंगिएको थियो ।

Watch On

Facebook Tiktok Youtube Instagram Twitter

‘उक्त छलफलमा कोशी र लुम्बिनीमा पुरानै मुख्यमन्त्री दोहोरिने सहमति भएको छ । त्यहाँ अहिले नफेर्ने तर बागमतीमा भने अहिले दलका नेता रहेका जेन थपलिया (जगन्नाथ) लाई नबनाउन ओलीले जोडबल गरिरहेका छन्,’ ती नेताले भने ।

Marvel
Extreme Energy

ती नेताले बताएअनुसार बागमतीको मुख्यमन्त्री बनाउन सचिव महेश बस्नेत लगायत नेताले किरण थापामगरलाई अघि सारेका छन् । उनी केही समयअघिसम्म सामाजिक विकास मन्त्री थिए । सत्ता समीकरण हेरफेर हुने सहमतिपछि पदबाट राजीनामा दिएका हुन् ।

जेनजी आन्दोलनपछि अध्यक्ष ओलीलाई गुण्डुमा बासको प्रबन्ध गरेका थापा राप्रपाबाट एमाले प्रवेश गरी चुनाव जितेका हुन् ।

‘जेएन लामो समयदेखि आन्दोलनमा जोडिएको मान्छे, उहाँ फेरि ओली कित्ताकै मान्छे हो । पछिल्लो समय नजिक भएको, अहिलेको अस्थायी बासको प्रबन्धदेखि ओली कुटी बनाउनसम्म भूमिका खेले भन्दैमा किरणलाई अघि सार्न नहुने पोखरेल र पौडेलको जोडबल छ । तर ओली सहमत हुनुहुन्न,’ ती नेताले भने ।

बागमतीमा एमाले र नेपाली कम्युनिस्ट पार्टी (नेकपा) को बहुमत छैन । राष्ट्रिय प्रजातन्त्र पार्टी (राप्रपा)लाई विश्वासमा लिएर एमाले नेतृत्वमा सरकार बनाउने कसरत भइरहेको सांसद केशवप्रसाद पोखरेलले जानकारी दिए ।

उनका अनुसार राप्रपा सहमत देखिएको छ । ‘उसका केही कुरा मानेर अहिले सरकार गठन गर्ने तयारी छ,’ उनले भने । मुख्यमन्त्रीमा पोखरेलको पनि दाबी छ ।

११० सदस्यीय प्रदेश सभामा हाल १०४ कायम छन् । सरकार बनाउन ५३ जना सांसद आवश्यक पर्छ । प्रदेश सभाको दोस्रो ठूलो दल नेकपासँग २६ सांसद छन् । एमालेसँग २५ सांसद छन् ।

काठमाडौं ९(२) बाट निर्वाचित प्रदेश सभा सदस्य पोखरेलका अनुसार सरकार गठनका लागि गठबन्धनको मत नपुग्ने भएपछि राष्ट्रिय प्रजातन्त्र पार्टीसँग छलफल भइरहेको छ । राप्रपासँग १२ सांसद छन् ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप नेताका कुरा