ग्यासको सकस समाधान गर्न सरकारको ध्यानाकर्षण
काठमाडौं । राष्ट्रियसभाका सदस्यहरूले खाना पकाउने एलपी ग्यासको आपूर्ति तथा बिक्री वितरणमा देखिएको समस्या तत्काल समाधान गरी उपभोक्तालाई सहज रूपमा ग्यास उपलब्ध गराउन सरकारको ध्यानाकर्षण गराएका छन्।
राष्ट्रियसभाको मंगलबार बसेको बैठकको शून्य समयमा सांसदहरूले ग्यासको आयात पर्याप्त भए पनि बजारमा अभाव देखिनु गम्भीर विषय भएको भन्दै आपूर्ति प्रणाली व्यवस्थित र पारदर्शी बनाउन सरकारसँग माग गरेका हुन्।
Watch On
नेपाली कांग्रेसकी कमलादेवी पन्तले भारतबाट मागभन्दा बढी ग्यास आयात भइरहेको सरकारको दाबी रहे पनि उपभोक्ताले सहज रूपमा ग्यास पाउन नसकेको बताइन्। उनले ग्यासको आयात, आपूर्ति र बिक्री वितरणको वास्तविक अवस्थाबारे सदनलाई जानकारी गराउन सरकारसँग माग गरिन्।
राष्ट्रिय जनमोर्चाका तुलप्रसाद विश्वकर्माले ग्यास अभावका कारण सर्वसाधारणले ठूलो कष्ट व्यहोर्नुपरेको भन्दै समस्या तत्काल समाधान गर्न आग्रह गरे। नेपाली कम्युनिस्ट पार्टी (नेकपा) का नरबहादुर विष्टले ग्यासको बिक्री वितरण व्यवस्थित बनाउन र जनताका समस्याप्रति सरकार गम्भीर बन्नुपर्ने बताए।
कांग्रेसका युवराज शर्माले एलपी ग्यासको कृत्रिम अभाव तत्काल अन्त्य गरी बिक्री वितरण प्रणाली पारदर्शी बनाउन माग गरे।
बैठकमा सांसदहरूले ग्यास अभावबाहेक महँगी, सार्वजनिक सेवा, स्वास्थ्य, भूमिहीन तथा सुरक्षा लगायतका विषयमा पनि सरकारको ध्यानाकर्षण गराएका छन्।
कांग्रेसका नारायणदत्त मिश्रले सुनसरीको देवानगञ्जमा दुई समुदायबीच भएको विवादसम्बन्धी घटनाको न्यायिक छानबिन गरी दोषीमाथि कडा कारबाही गर्न माग गरे।
नेकपाका भुवनबहादुर सुनारले ग्यास अभावको दीर्घकालीन समाधान खोज्न, महँगी नियन्त्रण गर्न तथा सार्वजनिक सेवा प्रवाहलाई चुस्त बनाउन सरकारलाई सुझाव दिए। सोही पार्टीकी मदनकुमारी शाह (गरिमा)ले निर्वाचनका क्रममा जनतासामु गरिएका प्रतिबद्धता पूरा गर्न सरकारको ध्यानाकर्षण गराइन्।
जनता समाजवादी पार्टी नेपालका मोहम्मद खालिदले सिरहाको गोलबजारमा केही दिनअघि भएको प्रदर्शनका क्रममा व्यापारिक प्रतिष्ठान तथा आस्थाका केन्द्रमा आगजनी र तोडफोड भएकोप्रति चिन्ता व्यक्त गर्दै आगामी दिनमा यस्ता घटना दोहोरिन नदिन सरकारलाई पहल गर्न आग्रह गरे।
नेकपाकी राजेन्द्रलक्ष्मी गैरेले उपचार खर्च अभावमा नागरिकले ज्यान गुमाउनुपर्ने अवस्था अन्त्य गर्न स्वास्थ्य सेवा प्रणालीलाई भरोसायोग्य बनाउन माग गरिन्। सोही पार्टीका सुरेशकुमार आलेमगरले सुकुमवासी तथा भूमिहीनको समस्या दीर्घकालीन रूपमा समाधान गर्न सरकारको ध्यानाकर्षण गराए।
-1791531305.jpeg)
-1791211018.jpg)
-1791121106.JPG)
-1790783650.jpg)
लुम्बिनीलाई कङ्क्रिटको सहर होइन, शान्ति र आध्यात्मिक आनन्दको केन्द्र बनाउने चुनौती
लुम्बिनी विकास कोषमा नयाँ नेतृत्व आएसँगै बुद्ध जन्मस्थल लुम्बिनीको विकासलाई अब कुन दिशामा अघि बढाउने भन्ने बहस सुरु भएको छ। वर्षौंदेखि अधुरो रहेको गुरुयोजना पूरा गर्ने, रोकिएका आयोजना... बिहीबार, कात्तिक १९, २०८३
सुरक्षा प्रमुखसँग प्रधानमन्त्री बालेनको ब्रिफिङ
प्रधानमन्त्री शाहले आज सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानसेनापति अशोकराज सिग्देल, नेपाल प्रहरीका महानिरीक्षक डा. मनोजकुमार केसी र सशस्त्र प्रहरी बलका महानिरीक्षक नारायणदत्त पौडेललाई बोलाएर सुरक्षा अवस्थाबारे जानकारी... बिहीबार, कात्तिक १९, २०८३
मध्यावधि हारपछि सन् २०२८ को राष्ट्रपति दौड तीव्र, भान्सको विकल्पमा रुबियोको चर्चा
यद्यपि, यी नेताहरूका लागि सबैभन्दा ठूलो चुनौती ट्रम्पको राजनीतिक प्रभाव हुनेछ। ट्रम्पले कसलाई समर्थन गर्छन् भन्ने विषयले रिपब्लिकन पार्टीको प्राथमिक निर्वाचनमा निर्णायक भूमिका खेल्न सक्छ। बिहीबार, कात्तिक १९, २०८३
यमनको सैन्य शिविरमा हूथी आक्रमण, १३ जनाको मृत्यु
यमनको दक्षिणी प्रान्त अल–धालियाको एक सैन्य प्रशिक्षण केन्द्र (शिविर) मा भएको हुथी ब्यालिस्टिक क्षेप्यास्त्र आक्रमणमा १३ जना सैन्य कर्मचारीको मृत्यु हुनुका साथै अन्य ६५ जना घाइते भएको सरकारी... बिहीबार, कात्तिक १९, २०८३भर्खरै
- लुम्बिनीलाई कङ्क्रिटको सहर होइन, शान्ति र आध्यात्मिक आनन्दको केन्द्र बनाउने चुनौती
- सुरक्षा प्रमुखसँग प्रधानमन्त्री बालेनको ब्रिफिङ
- मध्यावधि हारपछि सन् २०२८ को राष्ट्रपति दौड तीव्र, भान्सको विकल्पमा रुबियोको चर्चा
- यमनको सैन्य शिविरमा हूथी आक्रमण, १३ जनाको मृत्यु
- प्रधानमन्त्रीसँग भारतीय विदेश सचिवको भेट, भारत भ्रमणबारे छलफल
- एनपिएलमा सट्टेबाजी गर्ने युवक पक्राउ, करिब ९० लाखकाे काराेबार गरेकाे खुल्याे
- पुनर्बहालीको मागसहित पदमुक्त आईजीपी कार्की सर्वोच्चमा
- काठमाडौँ महानगरले तोक्यो फूल बेच्ने ठाउँ
