नेभिगेशन
समाज

साउन ३१ गते यी सात स्थानबाट ग्यास वितरण हुने

काठमाडौं । खाना पकाउने एलपी ग्यासको अभाव झेलिरहेका उपभोक्तालाई लक्षित गर्दै नेपाल आयल निगमले काठमाडौंका विभिन्न सात स्थानबाट ग्यास सिलिन्डर बिक्री–वितरण गर्ने भएको छ।

निगमले जिल्ला प्रशासन कार्यालय काठमाडौंसँगको समन्वयमा साउन ३१ गते आइतबार तोकिएका स्थानबाट विभिन्न ब्रान्डका ग्यास सिलिन्डर बिक्री–वितरण गर्ने जनाएको छ। निगमका अनुसार ग्यास खरिदका लागि उपभोक्ताले बिहान ११ बजेदेखि साँझ ५ बजेसम्म तोकिएका बिक्री केन्द्रमा उपस्थित हुन सक्नेछन् ।

Watch On

Facebook Tiktok Youtube Instagram Twitter

निगमले सार्वजनिक गरेको विवरणअनुसार ग्यास बिक्री हुने स्थान र उपलब्ध ब्रान्ड यसप्रकार छन् :

Marvel
Extreme Energy

निगमको टेकु परिसर : नेपाल, एचपी, एभरेस्ट/सुगम, श्रीराम र सगर।
पशु सेवा शाखा, चपली, बूढानीलकण्ठ : नेपाल, एचपी र भानु।
राधास्वामी, कीर्तिपुर परिसर : नेपाल, एचपी, एभरेस्ट/सुगम, श्रीकृष्ण, साइजवाला र श्रीमाया।
नयाँ बजार जुडो हल परिसर : नेपाल, एचपी र ओम।
तारकेश्वर नगरपालिकाको परिसर : नेपाल र एचपी।
चन्द्रागिरी नगरपालिका कार्यालय : लोकप्रिय, नेपाल, एचपी र श्रीमाया।
राष्ट्रिय क्षयरोग केन्द्र, ठिमी : नेपाल, एचपी, सूर्य, सगर, एभरेस्ट/सुगम र एसटीसी।

निगमले ग्यास खरिद गर्न आउने उपभोक्ताले आफ्नो नागरिकता वा राष्ट्रिय परिचयपत्र अनिवार्य रूपमा साथमा ल्याउनुपर्ने जनाएको छ। अत्यावश्यक परेका उपभोक्तालाई मात्र तोकिएका स्थानमा उपस्थित भएर ग्यास खरिद गर्न निगमले आग्रह गरेको छ।

यसअघि पनि ग्यास अभाव भएपछि निगम र जिल्ला प्रशासन कार्यालयको समन्वयमा विभिन्न स्थानबाट ग्यास बिक्री–वितरण गरिएको थियो।

निगमले बजारमा एलपी ग्यासको आयात तथा बिक्री–वितरण भइरहेको जनाउँदै अनावश्यक रूपमा ग्यास मौज्दात नराख्न र आवश्यकताअनुसार मात्रै खरिद गर्न उपभोक्तालाई आग्रह गर्दै आएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
भारतमा दूषित मदिरा सेवनबाट ११ जनाको मृत्यु

भारतमा दूषित मदिरा सेवनबाट ११ जनाको मृत्यु

मदिरा सेवनपछि मानिसहरू बिरामी परेको जानकारी दिँदै मणिपुरका मुख्यमन्त्री युमनाम खेमचन्द सिंहले शुक्रबार घटनाको अनुसन्धान गर्न निर्देशन दिएका छन् । उनका अनुसार पछिल्लो ४८ घण्टामा मृत्यु हुनेको सङ्ख्या...
विदेशमा रहेका नेपालीको मताधिकारः कानुन संशोधनका लागि तीन विकल्प

विदेशमा रहेका नेपालीको मताधिकारः कानुन संशोधनका लागि तीन विकल्प

आयोगका कानुन हेर्ने सहसचिव मानबहादुर बस्नेतका अनुसार गृह मन्त्रालयमा कानुन संशोधनका लागि पठाइएको प्रस्तावमा बाह्य (विदेशमा रहेका मतदाताको मतदान र अन्तरजिल्ला) मतदानको व्यवस्था गरिएको छ ।  बाह्य मतदानका...
भोटेकोशी बाढीपीडितलाई नगद राहत

भोटेकोशी बाढीपीडितलाई नगद राहत

बाढीका कारण ज्यान गुमाएका तथा बेपत्ता भएका व्यक्तिका परिवार र अन्य प्रभावितलाई तत्काल राहत पु¥याउने उद्देश्यले उक्त आर्थिक सहायता उपलब्ध गराइएको हो ।