समाज

काठमाडौँमा बढ्दै छ अवैध भेपको कारोबार, २ हजार ७ सय थान भेप सहित ४ जना पक्राउ

सिधाकुरा

मंगलबार, भदौ ३०, २०८३

काठमाडौँमा बढ्दै छ अवैध भेपको कारोबार, २ हजार ७ सय थान भेप सहित ४ जना पक्राउ

सांकेतिक तस्विर

काठमाडौँ। काठमाडौँमा अवैध विद्युतीय चुरोट (भेप) कारोबार गर्ने ४ जनालाई प्रहरीले पक्राउ गरेको छ ।

Watch On

प्रहरीका अनुसार काठमाडौँ महानगरपालिका–७ चाबहिल बस्ने धादिङ घर भएका ४५ वर्षीय पूर्णलाल श्रेष्ठ, चन्द्रागिरी नगरपालिका–१६ सतुङगल बस्ने २७ वर्षीय शुभम गुप्ता, काठमाडौं महानगरपालिका९३ बस्ने रामेछाप घर भएका १९ वर्षीय राजन मोक्तान र ललितपुर च्यासल बस्ने काभ्रे पाँचखाल नगरपालिका–९ घर भएका १९ वर्षीय सक्षम श्रेष्ठ पक्राउ परेका छन्।

उनीहरुले काठमाडौँ उपत्यकाका विभिन्न क्षेत्रमा अवैध रुपमा विद्युतीय चुरोट(भेप) भण्डारण तथा बिक्रीवितरण गर्दै आएका थिए ।

उनीहरुले काठमाडौँ महानगरपालिका–२२ स्थित आरएचएस इन्टरनेशनल प्रालि र चुच्चेपाटीस्थित रेसा कलेक्सनको गोदाम चलाएका थिए । ती गोदाममा समेत प्रहरीले छापा हानेर २ हजार ७ सय ७० थान विद्युतिय चुरोट (भेप) फेला पारेको छ।

उनीहरुलाई काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले टोलीले पक्राउ गरेको हो ।

उनीहरूलाई अनुसन्धान तथा कारबाहीको लागि त्रिभुवन अन्तर्राष्ट्रिय विमानस्थल भन्सार कार्यालय गौचर पठाएको प्रहरीले जनाएको छ ।

प्रकाशित मिति: मंगलबार, भदौ ३०, २०८३

प्रतिक्रिया दिनुहोस्