उदयपुरमा १८२ किलो गाँजासहित अन्य लागूऔषध बरामद

उदयपुर । उदयपुरमा प्रहरीले ठूलो परिमाणमा गाँजासहित ब्राउन सुगरजस्तो देखिने पदार्थ, लागूऔषधका ट्याब्लेट तथा क्याप्सुल र एउटा मोटरसाइकल बरामद गरेको छ।

Watch On

जिल्ला प्रहरी कार्यालय उदयपुरका अनुसार असोज ५ गते राति करिब ७ः३० बजे इलाका प्रहरी कार्यालय कटारीबाट खटिएको प्रहरी टोलीले विशेष सूचनाका आधारमा कटारी नगरपालिका–६ स्थित भुसुने जंगलको खाली जग्गामा रहेको झाडीबाट ९ वटा बोरामा राखिएको १ सय ८२ किलो गाँजा बरामद गरेको हो। गाँजा बेवारिसे अवस्थामा फेला परेको प्रहरीले जनाएको छ।

बरामद गरिएको गाँजाका सम्बन्धमा थप अनुसन्धान भइरहेको इलाका प्रहरी कार्यालय कटारीका प्रमुख प्रहरी नायब उपरीक्षक ९डीएसपी० उपेन्द्र खरेलले जानकारी दिए।

यस्तै, सोही दिन दिउँसो करिब ४ बजे इलाका प्रहरी कार्यालय रामपुर ठोक्सिलाबाट खटिएको प्रहरी टोलीले बेलका नगरपालिका–४ लच्कामा चेकजाँचका क्रममा लागूऔषधसहित एउटा मोटरसाइकल बरामद गरेको छ।

रामपुरबाट लालबजारतर्फ जाँदै गरेको बा।६२ प १८२० नम्बरको मोटरसाइकललाई प्रहरीले चेकजाँच गर्न खोज्दा चालक मोटरसाइकल छाडेर फरार भएको प्रहरीले जनाएको छ। शंका लागेर मोटरसाइकलमा खानतलासी गर्दा लुकाइछिपाइ राखिएको २।७२० मिलिग्राम ब्राउन सुगरजस्तो देखिने पदार्थ, २० ट्याब्लेट नाट्राजेपाम र १ हजार ५ सय १० क्याप्सुल ट्रामाडोल बरामद भएको हो।

मोटरसाइकल छाडेर फरार भएका व्यक्तिहरूको खोजतलास भइरहेको तथा गाँजा बरामद घटनाबारे थप अनुसन्धान जारी रहेको प्रहरीले जनाएको छ।