काठमाडाैँ । नेकपा एमालेको केन्द्रीय कमिटी बैठकको दोस्रो दिन आज ११८ जना केन्द्रीय सदस्यले धारणा राखेका छन् । पार्टी अध्यक्ष केपी शर्मा ओलीको अध्यक्षतामा बसेको बैठकमा उपाध्यक्ष विष्णु पौडेल र महासचिव शंकर पोखरेलको सम्बोधनपछि केन्द्रीय सदस्यहरूले आ–आफ्ना धारणा राखेका हुन्।
एमाले केन्द्रीय कमिटीको तेस्रो बैठकको दोस्रो दिनको बैठक बुधबार बिहान ९ः३० बजे सुरु भएको थियो।
बैठकमा उपाध्यक्ष पौडेल र महासचिव पोखरेलले सम्बोधन गरेका थिए। एमालेका अनुसार दुवै नेताको सम्बोधन पार्टीभित्र सिर्जित भ्रम तथा संशय निस्तेज गर्दै पार्टीलाई एकताबद्ध बनाउन र देशभरका कार्यकर्तामा नयाँ ऊर्जा तथा उत्साह सञ्चार गर्ने विषयमा केन्द्रित थियो।
त्यसपछि केन्द्रीय सदस्यहरूले आफ्ना विचार तथा सुझाव राख्न थालेका थिए। छलफललाई व्यवस्थित र प्रभावकारी बनाउन प्रत्येक केन्द्रीय सदस्यका लागि तीन मिनेटको समय निर्धारण गरिएको थियो।
आजको बैठकमा धारणा राख्ने केन्द्रीय सदस्यहरूमा अइन्द्रसुन्दर नेम्वाङ, अनिल थपलिया, अच्युत मैनाली, डा. अजय क्रान्ति शाक्य, अजयकुमार गुप्ता, अनिता देव ओझा, अमन मास्के, अमर यादव, अशोक व्याञ्जु, अस्मिता थापा, आनन्द पोखरेल, आरती भण्डारी, आरसी लामिछाने, आशा कुमारी विक, आशा रत्न बज्राचार्य, इन्दिरा सञ्जेल, एलिसा गौतम, इन्द्र भण्डारी, उपेन्द्र शाह, उर्मिला सुनुवार, ऊषाकला राई, ऋषिकेश पोखरेल, एकलाल श्रेष्ठ, इक्बाल मिया, ऐन महर, कमलादेवी ओली, कमला देवी तामाङ, कमला बोहरा, कर्णबहादुर थापा, कल्पना कुमारी कटुवाल, कल्पना चापागाईं, किरण गुरुङ, किरण पौडेल, कुन्दन कुशवाहा, कृपाराम राना, किसन श्रेष्ठ, कृष्णगोपाल श्रेष्ठ, कृष्णप्रसाद अधिकारी, कृष्णभक्त पोखरेल, कृष्णी थारू, केशव पाण्डे, कोमल ओली, कान्ति बुढाथोकी, खड्गबहादुर खड्का, खिमबहादुर थापा, खिमलाल भट्टराई, खेम लोहनी, खिममान खड्का, गंगाप्रसाद यादव, गणेशसिंह ठगुन्ना, गिरिधारीलाल न्यौपाने, गीता अधिकारी, गीता कार्की, गोमादेवी आचार्य, गोकुल बास्कोटा, गोरबहादुर बोगटी, गोविन्द गिरी, गोविन्द थापा, गोविन्दकुमार पुन, गोविन्दबहादुर नेपाली, गौरीशंकर चौधरी, चक्र मल्ल, सीपी घर्ती, चेतन पाठक, चेतनारायण आचार्य, जंग नेपाली, जगदीश कुसियत, जनक चौधरी, जनमेन्द्रमान घले, जलिषा राजवंशी, जितबहादुर मल्ल, जितु गौतम, जगत विश्वकर्मा, जीवन गौतम, जीवन घिमिरे, जुलीकुमारी महतो, ज्वाला कुमारी साह, झपट रावल, डा. टीका ढकाल, ठाकुर गैरे, टुका हमाल, डम्बरबहादुर सिंह, डोल्मा तामाङ, तारा सञ्जेल, ताराकान्त चौधरी, तिलकुमार मेहाङ्बो, तिलबहादुर क्षेत्री, तुल्सीप्रसाद न्यौपाने, थममाया थापा, थानेश्वर बस्याल, दधिराम न्यौपाने, दल फडेरा, दल रावल, दानसिंह परियार, दामोदर भण्डारी, दीपक कार्की, दिलीपकुमार अग्रवाल, देवका पहारी, देवी ज्ञवाली, देवेन्द्र दाहाल, नरदेवी पुन, निरज ओझा, निरज रावत, नागीन्द्र शाही, नारायण आचार्य, नीता घतानी, निरू पाल, निरज आचार्य, निरूदेवी पाल, निर्मला देवकोटा, निर्मला पाठक, निशा अधिकारी, पठानसिंह बोहरा, पदम गिरी र पद्मा खड्कासहित ११८ जना छन्।
केन्द्रीय सदस्यहरूले बैठकमा पार्टीका विभिन्न विषयमा आफ्ना धारणा तथा सुझाव राखेका थिए।
आजको बैठक समापन गर्दै एमालेले केन्द्रीय कमिटीको बैठक बिहीबार बिहान ९ बजे पुनः यही हलमा बस्ने जनाएको छ। त्यसपछि केन्द्रीय सदस्यहरूको धारणा राख्ने क्रमलाई निरन्तरता दिइनेछ।