नेभिगेशन
समाज

असोज ७ देखि ९ गतेसम्म यस्तो छ वर्षाको चेतावनी

काठमाडौं। जल तथा मौसम विज्ञान विभागले असोज ७ देखि ९ गतेसम्म देशका विभिन्न क्षेत्रमा भारीदेखि अति भारी वर्षाको सम्भावना रहेको जनाएको छ।

Watch On

Facebook Tiktok Youtube Instagram Twitter

विभागका अनुसार असोज ७ गते बुधबार दिउँसो कोशी, बागमती र गण्डकी प्रदेशका पहाडी भूभागका एक–दुई स्थानमा भारी वर्षाको सम्भावना छ। मधेश प्रदेश तथा कोशी प्रदेशको तराई भूभागका थोरै स्थानमा हावाहुरी चल्न सक्ने सम्भावना पनि छ।

Marvel
Extreme Energy

बुधबार राति कोशी प्रदेशका हिमाली, पहाडी तथा तराई भूभाग, बागमती प्रदेशका पहाडी तथा तराई भूभाग तथा गण्डकी र लुम्बिनी प्रदेशका तराई भूभागका एक–दुई स्थानमा भारी वर्षाको सम्भावना रहेको विभागले जनाएको छ।

असोज ८ गते बिहीबार दिउँसो कोशी, मधेश, बागमती र गण्डकी प्रदेशका थोरै स्थान तथा लुम्बिनी प्रदेशका एक–दुई स्थानमा भारी वर्षा हुनसक्नेछ। कोशी र बागमती प्रदेशका पहाडी भूभागका एक–दुई स्थानमा धेरै भारी वर्षाको समेत सम्भावना छ। मधेश तथा कोशी प्रदेशका तराई भूभागका थोरै स्थानमा हावाहुरी चल्न सक्ने विभागले जनाएको छ।

बिहीबार राति कोशी, मधेश, बागमती, गण्डकी र लुम्बिनी प्रदेशका थोरै स्थानमा भारीदेखि धेरै भारी वर्षा हुनसक्नेछ। मधेश तथा कोशी, बागमती, गण्डकी र लुम्बिनीका तराई भूभागका थोरै स्थानमा हावाहुरीको समेत सम्भावना रहेको छ।

असोज ९ गते शुक्रबारदेखि वर्षाको जोखिम अझ बढ्ने देखिएको छ।

शुक्रबार दिउँसो कोशी, मधेश, बागमती, गण्डकी, लुम्बिनी र कर्णाली प्रदेशका थोरै स्थानमा भारीदेखि धेरै भारी वर्षा हुनसक्ने विभागले जनाएको छ। गण्डकी र लुम्बिनी प्रदेशका एक–दुई स्थानमा अति भारी वर्षा हुनसक्ने सम्भावना छ।

शुक्रबार राति देशका थोरै स्थानमा भारीदेखि धेरै भारी वर्षाको सम्भावना छ। गण्डकी र लुम्बिनी प्रदेशका एक–दुई स्थानमा अति भारी वर्षा हुनसक्ने विभागको पूर्वानुमान छ।

त्यसैगरी मधेश तथा बागमती, गण्डकी र लुम्बिनी प्रदेशका तराई भूभागका केही स्थानमा हावाहुरी चल्न सक्ने सम्भावना रहेको छ।

विभागले मौसम प्रणालीको निरन्तर अनुगमन गरिरहेको जनाएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज