नेभिगेशन
समाज

५१२ पालिकामा कांग्रेसको अधिवेशन सुरू, २४१ पालिकामा भोलि र पर्सि

काठमाडौँ । नेपाली कांग्रेसको पन्ध्रौँ महाधिवेशनअन्तर्गत तोकिएको कार्यतालिका अनुसार, आज ५८ जिल्लाका ५१२ पालिकामा अधिवेशन सुरु भएको छ । 

Watch On

Facebook Tiktok Youtube Instagram Twitter

कांग्रेसको केन्द्रीय निर्वाचन समितिका सदस्य सचिव राजु कटुवालका अनुसार ७५३ मध्ये आज ५१२ पालिकामा अधिवेशन उद्घाटन भई बन्दसत्र सुरु भएको छ । अधिवेशनले पालिका कार्यसमितिले चयन गर्ने छ । 

Marvel
Extreme Energy

त्यस्तै, बाँकी रहेका २४१ पालिकामा असोज ८ र ९ गते पनि अधिवेशन जारी रहने निर्वाचन समितिले जनाएको छ । महाधिवेशन तालिकाअनुसार आज देशभरका पालिकामा अधिवेशन तोकिएको थियो । 

अधिवेशन चलिरहेको अवस्थामा जल तथा मौसम विभागबाट प्राप्त जानकारी अनुसार असोज ८ देखि १२ गतेसम्म भारी वर्षा हुने पूर्वानुमान रहेकोले सम्बन्धित निर्वाचन अधिकृतहरुले आफू मातहतका पालिका, प्रदेश सभा र प्रतिनिधि सभाहरुको अधिवेशन गर्दा मौसमलाई ध्यानमा राखी सचेत भई अनुकुल समय मिलाई गर्न गराउनका लागि निर्देशन गरिएको पनि कांग्रेसले जनाएको छ । 
छ ।

यसैबीच, कांग्रेसले इलाम जिल्ला माइजोगमाई गाउँपालिका वडा नं ५ को वडा अधिवेशन मार्फत क्षेत्रीय प्रतिनिधि चुनिएका इलामका १७ वर्षीय सुजल चापागाईको सदस्यता स्थगन गरेको छ । 

पार्टीको विधानअनुसार सदस्य बन्न १८ वर्ष उमेर पुरा हुनुपर्ने भएकाले १७ वर्षका सुजलको क्षेत्रीय प्रतिनिधिको जिम्मेवारी समेत स्थगन गरिएको निर्वाचन समितिले जनाएको छ । 

आगामी माघ १८ गते सुजल १८ वर्ष पुरा हुने र त्यसपछि उनले चाहना सदस्यता कायम गरिने पनि समितिले स्पष्ट पारेको छ । 

समितिले अन्य कुनै जिल्लाका पनि वडा तहमा भएका निर्वाचनहरूमा यस्तै प्रकृतिका उम्मेदवार निर्वाचित भएको पाइएमा निजहरूको सम्बन्धमा पनि यही प्रक्रिया बमोजिम हुने गरी कार्यान्वयन गर्न, गराउन निर्देशन दिएको छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज