मुख्य समाचार

तीन उपसभापति भए आङ्देम्बेले पनि उम्मेदवारी दिने

सिधाकुरा

आइतबार, असोज १८, २०८३

तीन उपसभापति भए आङ्देम्बेले पनि उम्मेदवारी दिने

काठमाडौं । नेपाली कांग्रेस संसदीय दलका नेता भीष्मराज आङ्देम्बेले पार्टीको विधान संशोधन गरेर तीन जना उपसभापतिको व्यवस्था गरिए उपसभापति पदमा उम्मेदवारी दिने भएका छन्।

Watch On

कांग्रेसको १५औँ महाधिवेशनबाट विधान संशोधन गरी उपसभापति, महामन्त्रीलगायत पदाधिकारीको संख्या बढाउने तयारी भइरहेका बेला आङ्देम्बेको उम्मेदवारीबारे जानकारी बाहिरिएको हो।

आङ्देम्बे निकट स्रोतका अनुसार विधान संशोधन गरेर उपसभापतिको संख्या तीन पुर्‍याइए उनले उपसभापतिमा उम्मेदवारी दिनेछन्।

‘पार्टीको विधान संशोधन गरी उपसभापतिको संख्या तीन बनाउँदा उहाँ उपसभापति पदको उम्मेदवार बन्नुहुन्छ,’ स्रोतले भन्यो।

आङ्देम्बे यसअघि कांग्रेसका सहमहामन्त्री थिए। हाल उनी पार्टीको संसदीय दलका नेता छन्।

संसदीय दलको नेता बनेपछि उनले १५औँ महाधिवेशनमा कुन पदमा उम्मेदवारी दिने भन्नेबारे कांग्रेसभित्र चासो थियो। विधान संशोधन गरी उपसभापतिको संख्या बढाउने तयारीसँगै उनको उम्मेदवारीको तस्वीर स्पष्ट भएको हो।

कांग्रेसमा हाल दुई जना उपसभापति रहने व्यवस्था छ। महाधिवेशनबाट विधान संशोधन गरी उपसभापतिको संख्या तीन पुर्‍याइए आङ्देम्बेले उक्त पदमा प्रतिस्पर्धा गर्ने तयारी गरेका छन्।

प्रकाशित मिति: आइतबार, असोज १८, २०८३

प्रतिक्रिया दिनुहोस्