सुरु भयो कांग्रेस महाधिवेशन, सभापति थापाले गरे उद्‍घाटन

काठमाडौँ । नेपाली कांग्रेसको १५औँ महाधिवेशन सुरु भएको छ । 

Watch On

काठमाडौँको खुलामञ्चमा सभापति गगनकुमार थापाले केही बेरअघि महाधिवेशनको उद्घाटन गरे । 

सभापति थापाले बिरुवामा पानी राखेर तथा दीप प्रज्ज्वलन गरेर महाधिवेशनको उद्घाटन गरेका हुन् ।  सभापति थापासँगै मञ्चमा सहभागी अन्य दलका नेताहरुले पनि विरुवामा पानी राखेका थिए ।  

महाधिवेशन तालिकाअनुसार आज असोजको १८ गते उद्घाटन सत्र, असोज १९ र २० गते बन्दसत्र तथा असोज २१ र २२ गते निर्वाचन प्रक्रिया हुनेछ ।

देशभर निरन्तरको वर्षाका कारण यही असोज १६ गतेका लागि निर्धारित महाधिवेशन आज सुरु गरिएको हो । महाधिवेशनमा करिव ७ हजार ७ सय महाधिवेशन प्रतिनिधि सहभागी छन् । 

महाधिवेशनअन्तर्गत खुलामञ्चमा नै बन्दसत्र सञ्चालन हुने छ । त्यसका लागि भिन्न भिन्न ठूला हलहरु बनाइएको छ । बन्दसत्रमा सभापति, उपसभापति, महामन्त्री र कोषाध्यक्षले अलगअलग प्रतिवेदन पेस गर्नेछन् । 

प्रतिवेदनमाथि भूगोलका आधारमा समूह बनाई तीन फरक हलमा छलफल हुनेछ । हरेक हलमा रहेका डिजिटल बोर्डबाट सहभागीले प्रस्तुत प्रतिवेदन सुन्न र हेर्न पाउने प्रवक्ता देवराज चालिसेले बताए । 

उद्घाटन समारोहमा काठमाडौं कांग्रेसका सभापति कृष्णसबुज बानियाँ र बाग्मती प्रदेशका सभापति इन्द्र बानियाँले सहभागीहरुलाई स्वागत गरेका थिए ।