समाज

भाइटीकाका लागि धमाधम थातथलो फर्किँदै

सिधाकुरा

सोमबार, कात्तिक २३, २०८३

काठमाडौँ । रोजगारी, अध्ययन तथा विभिन्न कामको सिलसिलामा घरबाहिर रहेका नागरिकहरू तिहारका लागि आफ्नो घरगाउँ फर्किइरहेका छन् ।

Watch On

तिहारका अवसरमा सरकारी बिदा सुरु भएसँगै आफ्नो जिल्ला फर्कनेको संख्या बढेको छ । घर फर्किने यात्रुको संख्या बढेसँगै विशेषगरी कोटेश्वर, कलङ्की, बल्खु र नयाँ बसपार्क क्षेत्रमा चहलपहल देखिएको छ।

वर्षभरि परिवारबाट टाढा रहेर रोजगारी, व्यवसाय तथा अध्ययनमा व्यस्त रहनेहरू चाडपर्वको अवसर पारेर परिवारसँग खुसी साट्न घर फर्किने गरेका छन्। दाजुभाइ तथा दिदीबहिनीबीचको आत्मीयता र पारिवारिक सम्बन्धलाई थप प्रगाढ बनाउने पर्वका रूपमा तिहार मनाइने भएकाले पनि यस समयमा घर फर्किनेहरूको विशेष चहलपहल देखिएको हो।

चाडपर्व मनाउन घर फर्किने यात्रुलाई यात्राका क्रममा आवश्यक सावधानी अपनाउन तथा सुरक्षित यात्रा गर्न प्रहरीले आग्रह गरेको छ।

यसैबीच, पृथ्वी राजमार्गअन्तर्गत चितवनको इच्छाकामना गाउँपालिका–४ घोप्टेभीरमा सोमबार बिहान खसेको सुख्खा पहिरोका कारण कुरिनटारमा सवारीसाधन रोकिएका छन् । सडक दुईतर्फी अवरुद्ध हुँदा कुरिनटारसम्म सवारीसाधनको लाम लागेको छ भने चाडपर्व मनाउन हिँडेकाहरु जाममा फसेका छन् ।

प्रकाशित मिति: सोमबार, कात्तिक २३, २०८३

प्रतिक्रिया दिनुहोस्