म्याक्स टाइगरको ‘दसैँ धमाका २०२६’ : चार जना विजेतालाई मोटरसाइकल तथा स्कुटर हस्तान्तरण

काठमाडौँ । म्याक्स टाइगर इनर्जी ड्रिंकले सञ्चालन गरिरहेको ‘दसैँ धमाका २०२६’ अभियानअन्तर्गत उपभोक्ताले यस्तै आकर्षक पुरस्कार जितिरहेका छन् ।

Watch On

कम्पनीले अभियानअन्तर्गत काठमाडौं र विराटनगरमा आयोजित एक्स्ट्रिम फ्यान जोन कार्यक्रममार्फत चार जना विजेतालाई मोटरसाइकल तथा स्कुटर हस्तान्तरण गरेको छ।

काठमाडौंको सिफलस्थित नेपाल प्रिमियर लिग (एनपीएल) स्क्रिनिङ स्थलमा आयोजित कार्यक्रममा काठमाडौंका सुमन कर्माचार्य र विनोद ढुंगेललाई मोटरसाइकल हस्तान्तरण गरिएको हो। म्याक्स टाइगरको क्यानको बिर्कोमा रहेको कोडमार्फत उनीहरूले मोटरसाइकल जितेका थिए।

त्यस्तै, विराटनगरको पुरानो गुद्रीमा आयोजित एक्स्ट्रिम फ्यान जोन कार्यक्रममा धरानका अनोज कुमार अधिकारीलाई स्कुटर र विराटनगरका विनोद पोखरेललाई मोटरसाइकल हस्तान्तरण गरिएको कम्पनीले जनाएको छ।

मोटरसाइकल प्राप्त गरेपछि विजेताहरूले सामान्य रूपमा खरिद गर्ने इनर्जी ड्रिंकबाट यति ठूलो पुरस्कार प्राप्त होला भन्ने कल्पनासमेत नगरेको प्रतिक्रिया दिएका छन्। सुमन कर्माचार्यले मोटरसाइकल जितेको खबरले उत्साहित बनाएको बताउँदै पुरस्कार प्राप्त गर्दाको क्षणलाई विशेष अनुभवका रूपमा वर्णन गरेका छन्।

त्यस्तै, अर्का विजेता विनोद ढुंगेलले म्याक्स टाइगरको अभियान आफ्ना लागि अप्रत्याशित खुसीको अवसर बनेको बताएका छन्। सामान्य रूपमा इनर्जी ड्रिंक खरिद गर्दा मोटरसाइकल जित्ने अवसर पाउनु अनौठो अनुभव भएको उनको भनाइ छ।

कम्पनीका अनुसार ‘दसैँ धमाका २०२६’ अभियानअन्तर्गत हालसम्म १० जनाले मोटरसाइकल र आठ जनाले स्कुटर जितिसकेका छन्। तर अभियानअन्तर्गत पुरस्कार जित्ने अवसर अझै बाँकी रहेको कम्पनीले जनाएको छ।

अभियानमा अझै आठवटा मोटरसाइकल, १० वटा स्कुटर र एउटा प्रोटोन कार जित्ने अवसर रहेको छ। विशेषगरी बम्पर पुरस्कारका रूपमा राखिएको प्रोटोन कारले उपभोक्तामाझ थप आकर्षण सिर्जना गरेको कम्पनीको दाबी छ।

सामान्य रूपमा खरिद गरिने इनर्जी ड्रिंकको क्यानको बिर्कोमा रहेको कोडमार्फत आकर्षक पुरस्कार जित्ने अवसर उपलब्ध गराउँदै म्याक्स टाइगरले देशका विभिन्न सहरका उपभोक्तालाई अभियानमा सहभागी गराउँदै आएको छ।

नेपाल प्रिमियर लिगको प्रत्यक्ष प्रसारण भइरहेको एक्स्ट्रिम फ्यान जोनमार्फत विजेतालाई पुरस्कार हस्तान्तरण गर्ने क्रमसमेत सुरु गरिएको कम्पनीले जनाएको छ। आगामी दिनमा पनि विभिन्न कार्यक्रममार्फत पुरस्कार हस्तान्तरणलाई निरन्तरता दिइने कम्पनीको भनाइ छ।