नेभिगेशन
समाज

हुम्लामा दुई अर्बको लागतमा ३९ किलोमिटर सडक कालोपत्रे गरिने

खार्पुनाथ–खरिखेत र खरिखेत–सलिसल्ला खण्डको ठेक्का सम्झौता, तीन वर्षमा काम सक्ने लक्ष्य

काठमाडौं । केन्द्र सरकारबाट अहिलेसम्म एक मिटर पनि कालोपत्रे सडक नपाएको हुम्लामा ३९ किलोमिटर सडक स्तरोन्नति तथा कालोपत्रे हुने भएको छ।

Watch On

Facebook Tiktok Youtube Instagram Twitter

कर्णाली करिडोरअन्तर्गत हिल्सा–सिमिकोट सडक योजनाको उत्तर खण्डमा पर्ने सडक कालोपत्रे गर्न बुधबार ठेक्का सम्झौता भएको पूर्वाधार विकासमन्त्री सुनिल लम्सालले जानकारी दिएका छन्।

Marvel
Extreme Energy

मन्त्री लम्सालले सामाजिक सञ्जाल फेसबुकमार्फत खार्पुनाथदेखि खरिखेतसम्म १८.२ किलोमिटर र खरिखेतदेखि सलिसल्लासम्म २०.८ किलोमिटर सडक स्तरोन्नति तथा कालोपत्रे गर्ने गरी सम्झौता भएको बताएका हुन्।

उनका अनुसार झन्डै दुई अर्ब रुपैयाँ लागतको उक्त आयोजना तीन वर्षभित्र सम्पन्न गर्ने लक्ष्य राखिएको छ। गत कात्तिक १७ गते ठेक्का स्वीकृत गर्ने आशयको सूचना जारी गरिएको र बुधबार ठेक्का सम्झौता सम्पन्न भएको उनले उल्लेख गरेका छन्।

‘दुःख लाग्छ, कर्णाली प्रदेशको हुम्लाले अहिलेसम्म केन्द्र सरकारबाट एक मिटर पनि कालोपत्रे सडक पाएन,’ मन्त्री लम्सालले लेखेका छन्, ‘हुम्लाको सडक र विकासको त्यही सपनालाई हामीले आफ्नो सपना मानेका हौँ।’

हुम्लाका अधिकांश बस्ती नदी करिडोर आसपासमा रहेकाले सडक स्तरोन्नति तथा कालोपत्रे भएपछि जिल्लाको सडक सञ्जालमा आमूल परिवर्तन आउने अपेक्षासहित बजेट विनियोजन गरिएको पनि उनले बताएका छन्।

कर्णाली करिडोर हुम्लालाई राष्ट्रिय सडक सञ्जालसँग जोड्ने महत्वपूर्ण मार्ग हो। यसअन्तर्गत उत्तर खण्डको सडक स्तरोन्नति र कालोपत्रेले जिल्लाको यातायात पहुँच, आवागमन र स्थानीय उत्पादनको ढुवानीमा सहजता ल्याउने अपेक्षा गरिएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
कास्कीले जित्यो गण्डकी ‘पीएम कप महिला’ क्रिकेटको उपाधि

कास्कीले जित्यो गण्डकी ‘पीएम कप महिला’ क्रिकेटको उपाधि

पोखरामा सञ्चालन भएको गण्डकी प्रदेशस्तरीय ‘पीएम कप’ महिला टी–२० छनोट क्रिकेट प्रतियोगिताको उपाधि घरेलु टोली कास्कीले जितेको छ ।
कोप–३३ सम्म जलवायु लक्ष्य कार्यान्वयन गर्न स्टिलले गरे आग्रह

कोप–३३ सम्म जलवायु लक्ष्य कार्यान्वयन गर्न स्टिलले गरे आग्रह

संयुक्त राष्ट्रसंघीय जलवायु परिवर्तनसम्बन्धी महासन्धि (यूएनएफसीसीसी) का कार्यकारी सचिव साइमन स्टिलले जलवायु परिवर्तनसम्बन्धी विश्वव्यापी लक्ष्य कार्यान्वयनका लागि आगामी दुई वर्ष निर्णायक हुने बताएका छन्।
डलरदेखि युरो, पाउन्डसम्मको विनिमयदर घट्यो, कुन मुद्रा कति ?

डलरदेखि युरो, पाउन्डसम्मको विनिमयदर घट्यो, कुन मुद्रा कति ?

नेपाल राष्ट्र बैंकले बिहीबारका लागि निर्धारण गरेको विदेशी मुद्राको विनिमयदरमा अधिकांश विदेशी मुद्राको मूल्य घटेको छ। अमेरिकी डलर, युरो, पाउन्ड स्टर्लिङ, स्विस फ्र्याङ्क, अस्ट्रेलियन डलरलगायत मुद्राको खरिद तथा...
कोपमा २७ करोड डलर जलवायु वित्त प्रतिबद्धता, थप दाताको प्रतीक्षा

कोपमा २७ करोड डलर जलवायु वित्त प्रतिबद्धता, थप दाताको प्रतीक्षा

टर्कीको अन्ताल्यामा जारी संयुक्त राष्ट्रसंघीय जलवायु सम्मेलन (कोप–३१) मा ११ देश तथा निकायले जलवायु वित्तका लागि करिब २७ करोड ३० लाख अमेरिकी डलर सहयोग गर्ने प्रतिबद्धता जनाएका छन्।