सबै कुरा

महानगरको स्मार्ट पार्किङमा घोटलाः अवैध रकम जम्मा हुने सहकारीलाई कारबाही गर्न तीन निकायलाई पत्राचार

सिधाकुरा

शुक्रबार, फागुन ४, २०८०

महानगरको स्मार्ट पार्किङमा घोटलाः अवैध रकम जम्मा हुने सहकारीलाई कारबाही गर्न तीन निकायलाई पत्राचार

काठमाडौँ । काठमाडौं महानगरपालिकाले महानगर भित्रिको स्मार्ट पार्किङमा भएको अनियमितता छानविन गर्न ३ निकायलाई पत्राचार गरेको छ ।

पार्किङको जिम्मा पाएको कम्पनी ह्वील्स ट्रुली योर्स र एड गुरु एडभरटाइजिङ महानगरलाई छलेर जम्मा गर्ने पार्किङको अवैध रकम जम्मा हुने न्यूरोड कै समान बचत तथा ऋण सहकारी संस्थालाई कारबाही गर्न सहकारी विभाग, राजश्व अनुसन्धान विभाग र सम्पत्ति शुद्धिकरण विभागलाई पत्राचार गरेको हो । साे सहकारीमा छापा मारेर महानगरले सिल गरेकाे थियाे ।

सहकारीमा प्रशस्त मात्रामा अनियमितता भएको देखिए पछि महानगरको सहकारी विभागले उक्त सहकारीलाई कारबाही गर्न पत्राचार गरेको महानगर स्रोतले जानकारी दियो ।

‘अनियमितता देखिएको सहकारीलाई कारबाही गर्न सहकारी विभाग, सम्पत्ति शुद्धिकरण विभाग र राजश्व अनुसन्धान विभागमा पत्राचार गरिसकिएको छ,’ महानगर स्रोतले भन्यो,‘ उहाँहरुबाट के कस्तो कारबाही हुन्छ हेर्छौ । हामी पनि थप आन्तरिक अनुसन्धान गरिरहन्छौं ।’

महानगरका अधिकारीहरूकाअनुसार महानगरको पार्किङमा झण्डै ३ देखि ४ अर्ब रुपैयाँ घोटला भएको छ । महानगरको पार्किङमा घोटाला भएको समाचार सिधाकुराले प्रकाशित गरेको थियो ।

बिद्यासुन्दरको ‘स्मार्ट पार्किङ’ परियोजनामा कम्तिमा ३ अर्ब भ्रष्टाचार

काठमाडाैँकाे पार्किङ व्यवस्थापन गर्ने कम्पनीकाे पैसा राख्ने सहकारीमा महानगरले छापा मारेर लगायाे सिल

न्यूरोडको 'समान सहकारी'मा जम्मा हुन्थ्यो महानगरलाई छलेर उठाइएको पार्किङकाे रकम