सबै कुरा

बालकुमारी घटनाकाे प्रतिवेदन मैले हेरेको छैन – प्रधानमन्त्री

सिधाकुरा

आइतबार, फागुन ६, २०८०

बालकुमारी घटनाकाे प्रतिवेदन मैले हेरेको छैन – प्रधानमन्त्री

काठमाडाैँ । प्रधानमन्त्री पुष्पकमल दाहाल ‘प्रचण्ड’ले बालकुमारी घटनाकाे प्रतिवेदन आफूले नहेरेकाे बताएका छन् । प्रतिवेदनकाे अध्ययनपछि आवश्यक कारवाही हुने दाहालकाे भनाई छ। उनले संसदमा प्रस्नोत्तरका क्रममा कारवाही हुने बताएका हुन् ।

Watch On

संसद बैठकको सुरुवातै नेकपा एमालेका सचेतक महेश बर्तौला र राष्ट्रिय स्वतन्त्र पार्टीका सभापति रवि लामिछानेले बालकुमारी घटनामा छानबिन गर्न सरकारले बनाएको समितिले भौतिक पूर्वाधार तथा यातायात मन्त्री प्रकाश ज्वालाको लापरवाही देखिएको निष्कर्ष निकालेको बताउँदै बार्खास्त गर्नुपर्ने माग राखेका थिए । प्रधानमन्त्रीले त्यसको जवाफ दिदै आफूले प्रतिवेदन हेर्न नभ्याएको बताए । उनले भने, ‘सरकारले बनाएको छानबिन समितिले गृहमा प्रतिवेदन बुझाएको छ । आज मेले बुझ्दै छु । प्रधानमन्त्रीको हैसियतले मैले हेरेको छैन । मैले हेर्दै छु । आजै क्याविनेट छ । छानबिन समितिले दिएिको प्रतिवेदन अध्ययनपछि आवश्यक कारवाही गरिन्छ । म यो विश्वास दिलाउन चाहन्छु ।’

साथै उनले बालकुमारी घटनाबारे गलत प्रचार भएको बताउँदै पीडित परिवारलाई १० दिएर सरकार चुप बसेको भन्ने आरोपको खण्डन गरे । उनले परिवारको एक एक जनालाइृ रोजगारीको साथै थप राहत उपलब्ध गराउन निर्देशन भएको जानकारी दिए ।

प्रकाशित मिति: आइतबार, फागुन ६, २०८०

प्रतिक्रिया दिनुहोस्