सबै कुरा

भेपमा सुन तस्करी प्रकरण : कृष्ण महरालाई मुद्दा चलाउन आयोगको सिफारिस

सिधाकुरा

शुक्रबार, चैत २, २०८०

भेपमा सुन तस्करी प्रकरण : कृष्ण महरालाई मुद्दा चलाउन आयोगको सिफारिस

काठमाडाैँ । सुनको अवैध पैठारी (तस्करी) सम्बन्धी जाँचबुझ आयोगले विद्युतिय चुरोट (भेप)मा सुन तस्करी गरेको अभियोगमा पूर्वसभामुख एवम् माओवादी केन्द्रका उपाध्यक्ष कृष्णबहादुर महरालाई मुद्दा चलाउन सिफारिस गरेको छ ।

Watch On

त्रिभुवन अन्तर्राष्ट्रिय विमानस्थलबाट अवैधरुपमा सुन तस्करी भएको विषयको छानबिन गर्न गठित आयोगले बिहिबार गृहमन्त्रीलाई प्रतिवेदन बुझाउँदै भेपमा भएको सुन तस्करी प्रकरणमा कृष्ण महराको संलग्नता देखिएको ‌औल्याउँदै कारबाही गर्न सिफारिस गरेको हो ।

२०७९ पुस १० मा दुबईबाट भेपमा लुकाएर सुन ल्याउने दाओजिङ वाङसँग कृष्णबहादुर महरा र उनका छोरा राहुल महराको कनेक्सन देखिएको थियो ।

केन्द्रीय अनुसन्धान ब्यूरोले राहुल महरालाई योजनाकार भएको प्रतिवेदन सरकारी वकिलको कार्यालयलाई बुझाएको थियो । तर सरकारी वकिलको कार्यालयले योजनकार किटान गरिएपनि बयान नलिएको कारण थप अनुसन्धान गर्नुपर्ने बताएको थियो । भेपमा सुन तस्करी प्रकरणमा राहुल महरा अझै पनि पुर्पक्षका लागि थुनामा छन् ।

भेपमा सुन तस्करी प्रकरणमा महरा परिवारको संलग्नता भएको विषय यसअघि नै सिधाकुराले प्रकाशन गरिसकेको छ ।

महरा बाबुछाेरामाथि अनुसन्धान थाल्न सरकारी वकिलकाे प्रहरीलाई निर्देशन