सबै कुरा

एसिसी प्रिमियर कप : फाइनल प्रवेशका लागि नेपाल र युएई भिड्दै

सिधाकुरा

शुक्रबार, वैशाख ७, २०८१

एसिसी प्रिमियर कप : फाइनल प्रवेशका लागि नेपाल र युएई भिड्दै

काठमाडाैँ । एसिसी प्रिमियर कप ट्वान्टी २० क्रिकेट प्रतियोगिताअन्तर्गत समूह ए का ४ वटै खेलमा विजयी भएको नेपालले आज सेमिफाइनल खेल्दै छ । ओमानको अल अमिरत क्रिकेट ग्राउन्डमा नेपालले आज युएईसँग सेमिफाइनल खेल्ने भएको हो ।

Watch On

समूह ए को विजेता बन्दै सेमिफाइनल प्रवेश गरेको नेपाल र समूह बी को उपविजेता बनेर सेमिफाइनल प्रवेश गरेको युएईबिच नेपाली समयअनुसार दिनको पौने १२ बजेदेखि खेल सुरू हुनेछ।

यसअघिका खेलमा नेपालले मलेसियालाई ५ विकेट, कतारलाई ३२ रन, हङकङलाई ८ विकेट र साउदी अरेबियालाई ६ विकेटले पराजित गरेको थियो । उता समूह बी अन्तर्गत रहेको युएईले कुवेतलाई ७ विकेट, बहराइनलाई ३७ र कम्वोडियालाई ९ विकेटले हराएको थियो भने ओमानसँग नौ विकेटको हार व्योहोरेको थियो।

अन्तर्राष्ट्रिय ट्वान्टी २०मा नेपाल र युएईबिच हालसम्म ९ खेल भएका छन्, जसमा नेपालले ५ र युएईले ४ खेलमा जीत हात पारेका छन् ।

त्यस्तै दोस्रो सेमिफाइनल आजै ओमान र हङकङबीच हुँदैछ । यो खेल अपराहन्न ४ :१५ बजेदेखि शुरु हुने छ ।

यस प्रतियोगिताको विजेताले २०२५ मा हुने टी-२० एशिया कपमा खेल्न पाउने छ भने शिर्ष तीन देश एसीसी इमर्जिङ टिम्स एसिया कपमा छनौट हुने छन् ।

प्रकाशित मिति: शुक्रबार, वैशाख ७, २०८१

प्रतिक्रिया दिनुहोस्