सबै कुरा

एसिसी प्रिमियर कप : नेपालले युएईलाई दियो १ सय २० रनको लक्ष्य

सिधाकुरा

शुक्रबार, वैशाख ७, २०८१

एसिसी प्रिमियर कप : नेपालले युएईलाई दियो १ सय २० रनको लक्ष्य

काठमाडाैँ । एसिसी प्रिमियर कप ट्वान्टी २० क्रिकेट प्रतियोगिताअन्तर्गत सेमिफाइनल खेलमा नेपालले युएईलाई १२० रनको लक्ष्य दिएको छ । सुक्रबार ओमानको अल अमिरत क्रिकेट ग्राउन्डमा भएको खेलमा नेपालले निर्धारित २० ओभरमा ९ विकेट गुमाउँदै १ सय २० रनको लक्ष्य दिएको हो ।

Watch On

शुक्रबार भएको खेलमा नेपालका लागि सर्वाधिक सन्दीप जोराले ५० रन, गुल्सन झाले २०, करण केसीले १७ रन बनाएका हुन् ।

टस जितेर बलिङ रोजेको युएईले पहिलो बलमै ओपनर कुशल भुर्तेललाई आउट गराएको थियो । फास्ट बलर जुनैद सिद्दिकको बलमा विकेटकिपर हैदरबाट भुर्तेल क्याच आउट भएका हुन् ।

समूह ए को विजेता बन्दै सेमिफाइनल प्रवेश गरेको नेपाल र समूह बी को उपविजेता बनेर सेमिफाइनल प्रवेश गरेको युएईबिच नेपाली समयअनुसार दिनको पौने १२ बजेदेखि खेल सुरू भएको थियो ।

यसअघिका खेलमा नेपालले मलेसियालाई ५ विकेट, कतारलाई ३२ रन, हङकङलाई ८ विकेट र साउदी अरेबियालाई ६ विकेटले पराजित गरेको थियो । उता समूह बी अन्तर्गत रहेको युएईले कुवेतलाई ७ विकेट, बहराइनलाई ३७ र कम्वोडियालाई ९ विकेटले हराएको थियो भने ओमानसँग नौ विकेटको हार व्योहोरेको थियो।

अन्तर्राष्ट्रिय ट्वान्टी २०मा नेपाल र युएईबिच हालसम्म ९ खेल भएका छन्, जसमा नेपालले ५ र युएईले ४ खेलमा जीत हात पारेका छन् ।

प्रकाशित मिति: शुक्रबार, वैशाख ७, २०८१

प्रतिक्रिया दिनुहोस्