सबै कुरा

गल्ति गर्ने कसैलाई पनि छुट छैन भन्ने जबरजस्त भाष्य स्थापित भएको छ : मन्त्री शर्मा

सिधाकुरा

बिहीबार, जेठ १०, २०८१

गल्ति गर्ने कसैलाई पनि छुट छैन भन्ने जबरजस्त भाष्य स्थापित भएको छ : मन्त्री शर्मा

काठमाडौँ । सञ्चार तथा सूचना प्रविधि मन्त्री रेखा शर्माले गणतन्त्रमा गल्ति गर्ने कसैलाई पनि छुट नहुने जवरजस्त भाष्य स्थापित गर्न सफल भएको बताएकी छिन् ।

गणतन्त्र दिवस–२०८१ का उपलक्ष्यमा राष्ट्रिय समाचार समिति (रासस)द्वारा बिहीबार काठमाडौंमा आयोजित तस्बिर प्रदर्शनीको उद्घाटन गर्दै शर्माले यस्तो बताएकी हुन् । निकै मेहनत गरेर प्राप्त गरेको गणतन्त्रलाइ सुदृढ बनाउदै सुशासन कायम गर्न सफल भएको बताएकी हुन् । अहिले संविधान र कानूनभन्दा माथि कोही हुदैन भन्ने पुष्टि हुदै गएको उनले बताइन् ।

मन्त्री शर्माले मुलुक बिकासको बाटोमा तीव्र रुपमा अघि बढेको र जलविधुतको क्षेत्रमा विक्रि गर्ने अवस्थासम्म आइपुग्नु सामान्य कुरा नभएको धारणा राखिन् । उनले तीनै तहको सरकारको पहलका कारण देशभर सडक संरचनाको निर्माण विस्तार भएको बताइन् । यद्यपी मुलुकमा देखिएको राजनीतिक अस्थीरताका कारण सोचेजस्तो बिकास कार्यलाई अघि बढाउन नसकिएको उनको भनाई छ ।

राससले गणतन्त्र दिवसका सन्दर्भमा ‘गणतन्त्रका उपलब्धिः समृद्धिका लागि पूर्वाधार’ शीर्षकमा तस्बिर प्रदर्शनी आयोजना गरेको हो । सातवटै प्रदेशमा निर्माण भएका भौतिक पूर्वाधारसम्बन्धी ९० तस्बिर प्रदर्शनीमा समेटिएका छन् ।

प्रकाशित मिति: बिहीबार, जेठ १०, २०८१

प्रतिक्रिया दिनुहोस्