सबै कुरा

केदारनाथ शर्मा विरुद्ध ३२ अर्ब ९० करोड रुपैयाँ बिगो दाबी गर्दै सम्पत्ति शुद्धिकरण मुद्दा चलाउने निर्णय

सिधाकुरा

शुक्रबार, जेठ ११, २०८१

केदारनाथ शर्मा विरुद्ध ३२ अर्ब ९० करोड रुपैयाँ बिगो दाबी गर्दै सम्पत्ति शुद्धिकरण मुद्दा चलाउने निर्णय

काठमाडौँ । शिव शिखर बहुउद्देश्यीय सहकारी संस्थाका सञ्चालक केदारनाथ शर्मा विरुद्ध हालसम्मकै ठूलो सम्पत्ति शुद्धिकरण सम्बन्धी मुद्दा दायर हुने भएको छ ।

शर्मा र उनको कम्पनी विरुद्ध ३२ अर्ब ९० करोड बिगो र जरिवानासहित झण्डै एक खर्ब रुपैयाँ बराबरको गैरकानुनी सम्पत्ति आर्जनको मुद्दा दायर गर्ने निर्णय भएको सम्पत्ति शुद्धिकरण अनुसन्धान विभागले जनाएको छ ।

मुद्दा चलाउने निर्णयसँगै अनुसन्धान प्रतिवेदन लिएर भक्तपुर जिल्ला अदालतमा मुद्दा दर्ताका लागि पठाइएको विभागका महानिर्देशक पुष्पराज शाहीले सिधाकुरालाई बताए ।

‘केदारनाथ शर्मालाई मुद्दा चलाउने निर्णय भएको छ । केही बेरमा मुद्दा दर्ता हुन्छ । शर्मा र उनको कम्पनीसमेतलाई विपक्षी बनाएर ३२ अर्ब ९० करोड रुपैयाँ बिगो कायम गरिएको छ,’ महानिर्देशक शाहीले भने,‘ व्यक्तिको हकमा दोब्बर र कम्पनीको हकमा तीन गुणा जरिवाना हुने भएकाले झण्डै एक खर्ब रुपैयाँ बराबरको दाबी विभागले गरेको छ ।’

सम्पत्ति शुद्धिकरणको अभियोगमा शर्मा विरुद्ध मुद्दा लगाउनु पर्ने रायसहितको प्रतिवेदन भक्तपुर जिल्ला सरकारी वकिलको कार्यालयमा बुझाइएको पनि विभागले जनाएको छ । सरकारी वकिलको कार्यालयले जिल्ला अदालत भक्तपुरमा मुद्दा दायर गर्नेछ ।

प्रकाशित मिति: शुक्रबार, जेठ ११, २०८१

प्रतिक्रिया दिनुहोस्