दूग्ध किसानको बक्यौता एक हप्ताभित्र भुक्तान गर्ने कृषिमन्त्रीकाे प्रतिवद्धता

काठमाडाैँ । कृषि तथा पशुपंक्षी विकासमन्त्री ज्वाला कुमारी साहले दूग्ध किसानको बक्यौताको समस्या समाधान गर्ने प्रतिवद्धता जनाएकी छिन् । 

Watch On

बिहीबार प्रतिनिधिसभा बैठकमा आफ्नो मन्त्रालयमाथि विनियोजित बजेटमाथिको छलफलमा उठेका प्रश्नको जवाफ दिदै मन्त्री साहले एक हप्ताभित्र दूग्ध किसानको बक्तौता भुक्तान गर्ने प्रतिवद्धता जनाएकी हुन् । उनले अहिले किसानको भुक्तानी गर्नुपर्ने रकमबारे अध्ययन भइरहेको जानकारी दिइन् । डिडिसीबाट भुक्तानी गर्नका लागि ३० करोड ऋण लिएर तिर्दा पनि समस्या समाधान नभएकाले थप ऋण लिनका लागि मन्त्रालयले निर्देशन समेत दिइसकेको उनले बताइन्।

मन्त्री साहले रासायनिक मलको अभाव नहुने गरि सरकारले प्रवन्ध गरेको बताइन् । आगामी आर्थिक बर्षका लागि रसायनीक मल आपूर्तिका लागी २७ अर्व ९५ करोड बिनियोजन गरिएको उनले जानकारी दिइन् । उनले कृषि दशकलाई प्रभावकारी बनाउनका लागि गम्भीर भएर लाग्ने जिकिर गरिन्।

त्यस्तै छलफलमा उठेका प्रश्नको जवाफ दिनुहुँदै उद्योग वाणिज्य तथा आपूर्ति मन्त्री दामोदर भण्डारीले निरन्तररुपमा घटेको बजेटको सीमा र वृद्धि भएको मागलाई सन्तुलन कायम गर्ने गरी बजेट कार्यान्वयन गर्ने बताए । उनले मुलुकमा लगानी वातावरणलाई सहज बनाउनका लागि समयानुकुल कानूनहरु बनाउदै लगिएको जानकारी दिए । 

उनले बजेटमार्फत उपभोक्ता अदालत गठन र संयुक्त बजार अनुगमनलाई प्राथमिकतामा राखिएको बताए ।