सबै कुरा

लुम्बिनीका मुख्यमन्त्री आचार्यले लिए शपथ, रोज राणा देखि बादशाह कुर्मी सम्मलाई मन्त्री बनाए

सिधाकुरा

बुधबार, साउन ९, २०८१

लुम्बिनीका मुख्यमन्त्री आचार्यले लिए शपथ, रोज राणा देखि बादशाह कुर्मी सम्मलाई मन्त्री बनाए

बुुटवल । लुम्बिनी प्रदेशका नवनियुक्त मुख्यमन्त्री चेतनारायण आचार्यले शपथ लिएका छन् । बुधबार बिहान प्रदेश प्रमुखको कार्यालय बुटवलमा शपथ लिएका हुन् ।

Watch On

एमालेका २९ र कांग्रेसका २७ गरी ५६ सांसदको हस्ताक्षरमा एमालेका आचार्य सोमबार मुख्यमन्त्री बनेका थिए । साथै लोसपा, नाउपा, जनमत, जसपा, जसपार्ले समर्थन गरेका छन् ।

आचार्य एमाले संसदीय दलको उपनेता हुन् । उनको शपथ ग्रहणमा पूर्व मुख्यमन्त्रीहरु उपस्थ्ति भएपनि एमालेकै संसदीय दलका नेता लीला गिरी भने उपस्थित भएनन् । मुख्यमन्त्री नियुक्तीका लागि गिरीको नामको सिफारीस पत्र तयार भैसकेपछि गिरीको नाममा टिपेक्स लगाएर नेकपा एमालेको केन्द्रले हस्तक्षप गर्दै उपनेता आचार्यलाई नियुक्तीका लागि सिफारीस गरेको थियो ।

शपथ ग्रहणसँगै मुख्यमन्त्री आचार्यले एमालेका र कांग्रेसका चाररचार जना मन्त्रीहरुलाई नियुक्त गरी मन्त्रिपरिषद गठन गरेका छन् । मन्त्रीहरुको जिम्मेवारी भने तोकिएको छैन ।

मुख्यमन्त्रीसँगै नेकपा एमालेबाट भूमिश्वर ढकाल, दिनेश पन्थी, खेमबहादुर सारु मगर र सीता शर्मा चौधरीले मन्त्रीको शपथ ग्रहण गरेका छन् भने

नेपाली कांग्रेसबाट गुल्मीका धनेन्द्र कार्की, प्यूठानका सरोज थापा (रोज राणा), दाङका प्रचण्डविक्रम न्यौपाने र बाँकेका बादशाह कुर्मीले शपथ लिएका छन् ।

प्रकाशित मिति: बुधबार, साउन ९, २०८१

प्रतिक्रिया दिनुहोस्