सबै कुरा

पूर्वमन्त्री गोविन्दराज जोशी सर्वोच्चबाट पनि भ्रष्टाचारी ठहर

सिधाकुरा

आइतबार, साउन १३, २०८१

पूर्वमन्त्री गोविन्दराज जोशी सर्वोच्चबाट पनि भ्रष्टाचारी ठहर

काठमाडाैँ । आफुविरुद्धको भ्रष्टाचार मुद्दाविरुद्ध सर्वोच्च गएका पूर्वमन्त्री गोविन्दराज जोशीलाई सर्वोच्चले समेत भ्रष्टाचारी ठहर गरेको छ । सर्वोच्च अदालतका न्यायाधीश विनोद शर्मा र बालकृष्ण ढकालको इजलासले आइतबार विशेष अदालतको फैसला सदर गरेको हो । भ्रष्टाचारी ठहर भएका उनलाई सर्वोच्चले ६९ लाख १५ हजार जरिवानासहित ९ महिना कैदको सजाय सुनाएको छ ।

Watch On

अख्तियार दुरुपयोग अनुसन्धान आयोगले कांग्रेसका नेता र पटकपटक मन्त्रीसमेत भएका जोशी र उनको परिवारविरुद्ध भ्रष्टाचार गरेको अभियोगमा २०६० पुस १८ मा विशेष अदालतमा मुद्दा दायर गरेको थियो । सुरुमा अदालतले हदम्याद कटाएर मुद्दा दर्ता गरेको भन्दै जोशीलाई सफाई दिएपनि सर्वोच्च अदालतले विशेषको फैसलालाई नमिलेको भन्दै पुन फाइल हेर्न फर्दिकाइदिएको थियो ।

त्यसपछि विशेष अदालतले उनको मुद्दामा हेरफेर गरेको थियो । सर्वोच्चले फकाइदिएको मुद्दामा विशेष अदालतले उनलाई भ्रष्टाचारी ठहर गरेको थियो । अदालतले जोशीले २ करोड १६ लाख १४ हजार ३ सय ७६ रुपैयाँ भ्रष्टाचार गरी कमाएको ठहर गर्दै डेढ वर्ष कैद सजायको फैसला सुनाएको थियो ।

सो फैसलाविरुद्ध सर्वोच्च गएका जोशीलाई करिब १२ वर्षपछि सर्वोच्च अदालतले समेत भ्रष्टाचारी ठहर गरेको हो ।

प्रकाशित मिति: आइतबार, साउन १३, २०८१

प्रतिक्रिया दिनुहोस्