खोलाको मापदण्डबारे बिरोधमा उत्रिएको एमालेलाई बालेनको जवाफ - ‘उहिलै मरिन् सासु, अहिले आए आँशु’

काठमाडौँ । काठमाडौँ महानगरपालिकाका मेयर बालेन्द्र शाहले उपत्यकाको खोला तथा नदीको मापदण्डको बारेमा एमालेले दाहोरो चरित्र देखाएको बताएका छन् । आफूले महानगरेको मेयरमा उम्मेदवारी दिनुभन्दा ३ बर्ष अगाडि उक्त फैसला आएको र सो समयमा नेतृत्व तहमा सबै एमालेकै नेताहरु रहेकाले अहिले आएर विरोध गर्नु अवसरवादी चरित्र भएको बताएका छन् ।

Watch On

 ‘त्यति बेला अहिले प्रधानमन्त्री रहेका खड्ग प्रसाद ओली नै प्रधानमन्त्री हुनुहुन्थ्यो । उहाँले नियुक्त गर्नु भएको महान्यायधिवक्ता अग्नि खरेल, उहाँकै पार्टी एमालेले बनाएको बागमतीको मुख्यमन्त्री डोरमणि पौडेल, उहाँकै पार्टी एमालेले बनाएको काठमाण्डौको मेयर विद्यासुन्दर शाक्य । यी सबैले आफ्नो सचिव र सम्बन्धित कर्मचारी पठाएर तर्क गरे पछि, नदितट उपयोगिताको योजना अदालतलाई देखाएपछि मात्र अदालतले त्यो फैसला गरेको थियो ‘ बालेनले भनेका छन् । 

उनले तत्कालिन समयका प्रधानमन्त्री खड्ग प्रसाद ओली, बागमतीका मुख्यमन्त्री डोरमणि पौडेल, काठमाण्डौ महानगरका मेयर विद्यासुन्दर शाक्य कोही पनि सो फैसला पुनरावेदनका लागि नगएकोले त्यो फैसलामा यी मध्ये कसैको असहमति रहेन भन्ने अर्थ लाग्ने समेत बताएका छन् । 

तर अहिले आएर विरोध गर्नुलाई उनले ‘उहिलै मरिन् सासु, अहिले आए आँशु किसिमको अवसरवादी चरित्र भएको बताएका छन् ।