रास्वपाको निष्कर्षः विपद्को पूर्वतयारीलाई सरकारले प्राथमिकता दिएन, मोबाइलमा रिङटोन बजाएर मात्रै पुग्दैन

काठमाडाैँ । सरकारको प्रथमिकतामा रवि, रास्वपा र सहकारीमा अड्किदा प्राकृतिक प्रकोपको समयमा जनताले आहत भोग्नुपरेको रास्वपाले निष्कर्ष निकालेको छ । आज पार्टी कार्यालयमा बसेको केन्द्रीय समिति बैठकबारे जानकारी गराउँदै कार्यवाहक प्रवक्ता मनिष झाले मान्छे मरिसकेपछि मोबाइल रिङटोनमा सन्देश बजाउँदैमा राज्य संयन्त्रको भूमिका प्रभनवकारी नहुने बताए । 

‘सबै पाटीका नेता कार्यकर्ताको राजनीति अहिले तीन खम्बामा अड्किएको थियो । रवि, रास्वपा र सरकारी । त्यो बाहेक कसैले केही सोचेको थिएन । त्यसैले गर्दा होला यत्रो पाकृतिक विपत्ति केही तयारी नै थिएन । किनकी त्यो बाहेक कसैले सोचेकै थिएन । त्यसैले आवश्यक परेको बेला के गर्नुपर्छ सरकारी संयन्त्रले भन्नेमा चुक्यो’, कार्यवाहक प्रवक्ता झाले भने । 

साथै उनले यसअघिको सरकारमा गृहमन्त्री रहेका रवि लामिछानेको निर्णयलाई बेवास्ता गर्दा पनि विपत्तिमा सरकार चुकेको दावी गरे । ‘सभापति लामिछने गृहमन्त्री रहेको बेलामा असोज १७ सम्म बाढी, पहिरोको जोखिम छ त्यही अनुसार तयारी गर्ने निर्णय गर्नुभएको थियो । तर बर्तमान गठबन्धन आएपछि त्यसलाई निरन्तरता दिइएन । त्यसमा संवेदनशिलता उहाँहरुले देखाउनुभएन । र असक्षमता तथा अर्कमण्यता हामीले देख्यौँ’, ‘झाले भने मान्छे मरिसकेपछि मोबाइल रिङटोनमा सन्देश बजाउँदैमा राज्य संयन्त्रको भूमिका प्रभावकारी हुँदैन ।’