सबै कुरा

बाराको सुधार गृहमा कुटपिटबाट एक युवकको ‘हत्या’, ७ जना पक्राउ

सिधाकुरा

शुक्रबार, फागुन २, २०८१

बाराको सुधार गृहमा कुटपिटबाट एक युवकको ‘हत्या’, ७ जना पक्राउ

काठमाडौँ । बाराको एक सुधार गृहमा मृत भेटिएका युवकको हत्या भएको प्रहरीको प्रारम्भिक अनुसन्धानमा देखिएको छ । जिल्लाको कलैया उपमहानगरपालिका–१ मा रहेको नवजन्म सुधार केन्द्र बिहिबार मृत फेला परेका प्रदीपप्रसाद मण्डलको हत्या भएको प्रहरीको प्रारम्भिक अनुसन्धानमा देखिएको हो ।

Watch On

१९ दिन अघि सुधार केन्द्रमा भर्ना भएका कलैया–९ रामपुरका ३२ वर्षीय मण्डलको गएराति मृत्यु भएको थियो । प्रहरीले उनको शव पोस्टमार्टमका लागि शुक्रबार प्रादेशिक अस्पताल कलैया लगेको छ ।

मण्डलको मृत्यु शंकास्पद देखिएको भन्दै सुधार केन्द्रका सञ्चालकसहित सातजनालाई पक्राउ गरिएको जिल्ला प्रहरी कार्यालय बाराका प्रमुख एसपी सन्तोष तामाङले बताए । उनका अनुसार पक्राउ पर्नेमा सर्फराज मन्सुर, निरज सरार्फ, महमद आशु मियाँ शेख, अरुण शरार्फ, प्रमेश्वर साह, तमन्ना अली र सागर गुप्ता रहेका छन् ।

प्रहरीले गरेको अनुसन्धान र संकलन गरेको सिसिटिभी फुटेजमा सो सुधार केन्द्रमा ती युवकहरुले मण्डलमाथि निर्घाट कुटपिट गरेको देखिन्छ । सो कुटपिटमा संलग्न अन्य २ जना फरार रहेको प्रहरीले जनाएको छ ।

त्यस्तै घटनामाथि थप छानबिन भइरहेको प्रहरीले जनाएको छ।

प्रकाशित मिति: शुक्रबार, फागुन २, २०८१

प्रतिक्रिया दिनुहोस्