एनआरएनको निर्वाचनमा भिरो भोटिङनै ह्याक ? उपाध्यक्षका उम्मेद्वारलाई शून्य भोट

गैरआवासीय नेपाली संघको ११औं महाधिवेशनबाट नेतृत्व चयनका लागि भएको भोटिङ सिस्टम नै ह्याक भएको उम्मेद्वारहरुले गुनासो गरेको छ । 

Watch On

मध्यरातमा सार्वजनिक भएका मत परिणाम अनुसार अध्यक्षमा बद्री केसी निर्वाचित भएका थिए । एमाले निकट उनले १३७८ मत प्राप्त गरेका थिए भने उनको प्रतिस्पर्धी आरके शर्माले १२८१ र महेश श्रेष्ठले १२२५ मत पाएका थिए । 

तर मत परिणाम घोषणासँगै शर्मा र श्रेष्ठले नतिजा स्वीकार नगर्ने बताएका छन् ।  महेश श्रेष्ठको प्यानलबाट उपाध्यक्षका उम्मेद्वार बनेका डा केशव पौडेलको काठमाडौबाट खसेको मत शून्य देखाएको थियो । जब कि काठमाडौबाट मात्रै ८ सय भन्दा धेरै सदस्यले मतदान गरेको एनआरएनका अधिकारीले बताएका छन् । 

यता उपाध्यक्षमा जितेको खगेन्द्र न्यौपानेले समेत आफूलाई जिताइएको भए पनि निर्वाचनमा धाँधली धएकाले यो जितलाई स्वीकार नगर्ने भनेको छन् ।

निर्वाचनमा सिस्टम ह्याकको आरोप निर्वाचित भएका बद्री केसी माथि लागेको छ । भिरो भोटिङ कम्पनीसँग केसीलेनै सम्झौता गरेको र यस अघि पनि केसीको भुमिका शंकास्पद रहँदै आएकाले भोटिङ सेवा प्रदायकलाई नै प्रभावमा पारेको शर्मा र श्रेष्ठ प्यानलले आरोप लगाएका छन् । 

अध्यक्षमा निर्वाचित बद्री केसी दुई वर्षयता एनआरएनमा अध्यक्ष थिए । त्यसअघि उनी उपाध्यक्ष र महासचिव थिए । महासचिव हुँदादेखि नै उनलाई सूचनाप्रविधिको दुरुपयोग गरी महाधिवेशन प्रतिनिधिको डाटाबेस र मत परिणाममा चलखेल गरेको आरोप लाग्दै आएको थियो ।

बहालवाला अध्यक्ष भएका कारण महाधिवेशन र निर्वाचन प्रक्रिया मूलतः बद्रीको नियन्त्रणमा रहेको एनआरएनका नेताहरु बताउँछन् । 

परिणाम सार्वजनिक भएपछि प्रतिस्पर्धी श्रेष्ठले निर्वाचन  रद्द हुनु पर्ने भन्दै नयाँ निर्वाचन गराउनु पर्ने बताए । शर्माले पनि अनलाईन सिस्टम ह्याक गरी मत परिणाम उल्ट्याएको भन्दै परराष्ट्र मन्त्रालयको हस्तक्षेप गर्नु पर्ने बताए । 

अन्य पदमा कोको निर्वाचित भए ?

उपाध्यक्षमा अस्ट्रेलियाबाट डा. विनोद श्रेष्ठ १५६०, 

यूकेबाट डा.हेमराज शर्मा २२६५, 

मलेसियाबाट खगेन्द्र न्यौपाने १३५७, 

कतारबाट राजु रेग्मी ‘राज’ १९००, 

यूकेबाट रामशरण सिमखडा १५५२

र जापानबाट रोविन शेरचन २१८०

महिला उपाध्यक्ष यूकेबाट रोजिना प्रधान राई १९४७

युवा उपाध्यक्ष रोसन थापा २४६८ 

महासचिव गौरीराज जोशी २०३७ 

उपमहासचिव प्रवीन गुरुङ कतार २१५० 

सोमनाथ सापकोटा यूके १७९० 

१५ जनाको उम्मेदवारी परेको सचिव पदमा निर्वाचित भएका ६ जना 

भीम केसी ‘कमल’१६७३ मत

ज्ञानेन्द्र रेग्मी १७८२ मत 

मनोजकुमार श्रेष्ठ २०२४ मत

डा। नवराज रोस्यारा १८५३ 

पारमणि पोखरेल  १६५१ 

स्वतन्त्रप्रताप शाह  १६६६ 

महिला सचिवमा राधिका गुरुङ ‘टीका’ २३२० मत

कोषाध्यक्षमा सुदनकुमार थापा 

सहकोषाध्यक्षमा कृष्णप्रसाद तिमल्सिना २०१५

अभिमन्यू बस्नेत २०८१ र तिलकप्रसाद गैरे २२३२ मत ल्याएर विजयी भए ।

सहकोषाध्यक्षमा अमृता थापा २२८७

अन्तर्राष्ट्रिय महिला संयोजकमा अनुजा प्रधान २३३६ 

युवा संयोजकमा सुपेन्द्र घिसिङ २०३६ मतका साथ विजयी भए ।