समाज

प्रहरीले भेट्टाउन नसेकेका दुर्गा प्रसाईँको आईजीपीलाई चुनौती, ‘वकिल र मानव अधिकारवादीको रोहवरमा कुरा गर्नेभए सार्वजनिक हुन्छु’

सिधाकुरा

बुधबार, चैत २७, २०८१

प्रहरीले भेट्टाउन नसेकेका दुर्गा प्रसाईँको आईजीपीलाई चुनौती, ‘वकिल र मानव अधिकारवादीको रोहवरमा कुरा गर्नेभए सार्वजनिक हुन्छु’

काठमाडौँ । चैत १५ गतेदेखि प्रहरीले भेट्टाउन नसकेका व्यवसायी दुर्गा प्रसाईँले प्रहरीलाई नै चुनौती दिएका छन् । बुधबार सामाजिक सञ्जाल फेसबुकमा एक भिडियो अपलोड गर्दै प्रसाईँले आफूसँग वलिक र मानव अधिकारवादीको रोहवरमा कुरा गर्ने भए आफू २४ देखि ३६ घण्टाभित्र सार्वजनिक हुने घोषणा गरेका हुन् ।

Watch On

‘मलाई खोज्नु पर्दैन । म आईजीपीलाई यहीँबाट भन्छु, म तपाईँलाई राम्रोसँग चिन्दछु, तपाईँ राम्रो क्याडर हो । मैले तपाईँलाई के भन्न चाहान्छु, तपाईँले यो जिम्मेवारी लिनुहुन्छ र ५/५ जना वकिल र मानव अधिकारवादी रोहबरमा तपाईँले कुरा गर्नुहुन्छ भने म यो सम्बोधन आएको २४ घण्टादेखि ३६ घण्टाभित्र सार्वजनिक हुन्छु ।’

त्यस्तै उनले तीनकुने घटनामा ज्यान गुमाएका २ जनाको परिवारलाई ५/५ लाख दिने घोषणा समेत गरेका छन् ।

चैत १५ गते तीनकुनेमा भएको राजावादी आन्दोलनको कमाण्डर रहेका प्रसाईँले प्रहरीको ब्यारिकेट समेत तोडेर निषेधित क्षेत्रतर्फ अघि बढाएका थिए । केही दुरी पर लगेर गाडी रोकेका प्रसाईँ प्रदर्शनस्थलतर्फ फर्किएका थिए । पछि आन्दोलन हिंसात्मक बन्दै गएपछि उनी फरार भएका थिए ।
त्यसयता प्रहरीले उनको चौतर्फी खोजी गरिरहेको छ । उनी भने सामाजिक सञ्जालमा भिडियो हालेर प्रहरीलाई नै चुनौती दिइरहेका छन् ।

प्रकाशित मिति: बुधबार, चैत २७, २०८१

प्रतिक्रिया दिनुहोस्