तीन महिनामा नेपालले ४ खर्ब बढीको आयात गर्दा ४० अर्बको मात्रै निर्यात गर्यो
काठमाडौँ । चालु आर्थिक वर्षको तेस्रो महिनासम्ममा मुलुकले चार खर्ब सात अर्ब ७५ करोड ८९ लाख बराबरको माल वस्तुको आयात गरेको छ ।
गत आर्थिक वर्षको सोही अवधिमा चार खर्ब ९९ करोड बराबरको वस्तु आयात भएको छ । गत आवको तेस्रो महिनाको तुलनामा चालु आवको तेस्रो महिनासम्म कूल आयात एक दशमलव ६९ प्रतिशतले बढेको छ ।
भन्सार विभागले आज सार्वजनिक गरेको गत असोज मसान्तसम्मको विवरणअनुसार तीन महिनाको अवधिमा नेपालको निर्यात भने दुई दशमलव २६ प्रतिशतले ओरालो लागेको छ । विभागका अनुसार सो अवधिमा नेपालबाट ४० अर्ब ८७ करोड ४८ लाख बराबरको माल वस्तु निर्यात भएको छ । गत वर्षको तीन महिनाको अवधिमा ४१ अर्ब ८२ करोड बराबरको निर्यात भएको थियो ।
सो अवधिमा नेपालको वैदेशिक व्यापार चार खर्ब ४८ अर्ब ६३ करोड बराबरको वैदेशिक व्यापार भएको छ । गत वर्षको यही अवधिमा चार खर्ब ४२ अर्ब ८१ करोड बराबरको वैदेशिक व्यापार भएको थियो ।
विभागका अनुसार असोज मसान्तसम्म नेपालको व्यापार घाटा तीन खर्ब ६६ अर्ब ८८ करोड बराबर रहेको छ । गत वर्षको सोही अवधिमा तीन खर्ब ५९ अर्ब १७ करोड बराबरको व्यापार घाटा भएको थियो ।
भर्खरै
- यस्तो छ आज सागसब्जी र फलफूलको अधिकतम थोक मूल्य
- आज ३२ औँ मदन–आश्रित दिवस विभिन्न कार्यक्रम गरी मनाइँदै
- आजको मौसमः यी प्रदेशमा चट्याङ्गसहित वर्षा
- कतारका विशेष दूतसँग विपीन जोशीको रिहाइबारे पुनः आग्रह
- सिंहरबारभित्रै बत्ति गएपछि मोबाइल बालेर चलाइयो शिक्षा उपसमितिको बैठक
- रविलाई थाहै नदिई पेसी तोकिएको स्वीकार्दै उच्च अदालतले भन्याे- 'तत्काल जानकारी दिनु'
- जापानले नेपाललाई थप ५७ करोड ३० लाख येन अनुदान उपलब्ध गराउने
- हावाहुरीका कारण उडान प्रभावित, आठ विमान ‘डाइभर्ट’
