सुन्दरले ल्याए ‘बदमास’

काठमाडौँ । अमेरिकामा व्यवसाय गर्दै आएका सुन्दर राजभण्डारीले क्लासिकल शैलीको नेपाली म्युजिक भिडियो ‘बदमास’को सार्वजनिक गरेका छन् ।

Watch On

निर्माता समेत रहेका राजभण्डारीले लेखेका शब्दमा नेपाली साङ्गीतिक क्षेत्रका विशिष्ट सङ्गीतकर्मी न्ह्यू बज्राचार्यले सङ्गीत दिएको छन् । मेनुका पौडेलले जादुमय स्वरले बदमासलाई कालजयी बनाएको छ । 

गोपाल रसाइलीले एरेन्ज गरेको बदमासका  कार्यकारी निर्माता भने विक्रान्त मान श्रेष्ठ रहेका छन् । बदमास म्युजिक भिडियोको निर्देशन भने बिमलेश अधिकारीले गरेका छन् । गीतमा  सनिशा भट्टराई र विजु पार्कीको अभिनय सुहाएको छ । कोरियोग्राफी करण शाहले गरेका हुन् भने छायाङ्कन हरि हुमागाईँले, सम्पादन प्रवीण मानन्धरले र प्रोडक्सन व्यवस्थापन दिपेन गौतम ‘माइकल’ले सम्हालेका छन् ।

अमेरिकामा व्यापार-व्यवसाय गर्दै आएका निर्माता तथा गितकार राजभण्डारीले आफू जहाँ भएपनि नेपाल र नेपाली संगित प्रतिको प्रेम अगाध रहेको बताए । यस अघि पनि अमेरिकामा विभिन्न सांगितक कार्यक्रमहरुको आयोजना गर्ने तथा समय मिलाएर गित लेख्ने गरेको बताए ।

अब हरेक वर्ष दुई वटा गीत सार्वजनिक गर्ने योजनामा रहेको राजभण्डारीले खुलाए । 

नाम्लो इभेन्ट्सको प्रस्तुतिमा बनेको म्युजिक भिडियो बुधवार काठमाडौंमा एक कार्यक्रम आयोजना गरि सार्वजनिक गरिएको थियो ।

कार्यक्रममा वरिष्ठ गायक विकास राणा, वरिष्ठ कवि तथा साहित्यकार विप्लव प्रतीक, अभिनेता विपिन कार्की, अभिनेत्री केकी अधिकारी, तथा अभिनेता प्रशान्त ताम्राकार लगायतको उपस्थिति रहेको थियो ।